વિટામિન B6 અને B12 ખૂબ જરુરી પણ વધારે પ્રમાણ લાવી શકે આ ગંભીર બીમારીઓ

શરીર હેલ્ધી રહે અને બધા જ અવયવો પોતાનું કામ મોટી ઉંમર સુધી પણ બરાબર કરે તે માટે સૌથી વધુ વિટામિન અને પ્રોટિન બે મહત્વના તત્વો છે જેના પણ સામાન્ય રીતે ડૉક્ટર ભાર મુકતા હોય છે. સામાન્ય રીતે 40ની ઉંમર વટાવ્યા બાદ મહિલાઓમાં હાડકાં નબળાં પડવાં લાગે છે. જેમાં નિતંબનાં હાડકાં નબળા પાડવાના અનેક કિસ્સાઓ જોવા મળ્યા છે. ઘર અને ઓફિસ વચ્ચે સંતુલન બનાવવાના ચક્કરમાં મહિલાઓ પોતાની કાળજી લેવાનું ભૂલી જાય છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો જોકે આવી સમસ્યાની શરુઆત થતા જ ડૉક્ટર્સ આજકાલ બજારમાં મળતા જુદા જુદા સપ્લિમેન્ટ્સને દૂધ સાથે લેવાની સલાહ આપે છે. આ ઉપરાંત આવા સપ્લિમેન્ટ્સની કંપનીઓ પોતાની જાહેરાત દ્વારા પણ નબળા હાડકાં વિશે ચેતવણી આપે છે. જેથી મહિલાઓ પોતાનું આરોગ્ય તંદુરસ્ત રાખી શકે. જોકે તમને જાણીને આશ્ચર્ય થશે કે ફક્ત વિટામિનની ઉણપથી જ આવી સમસ્યાઓ સર્જાય છે તેવું નથી. પરંતુ વિટામિનની માત્રા શરીરમાં જો વધી જાય તો પણ આવી સમસ્યાનું નિર્માણ થાય છે. તાજેતરમાં થયેલા એક સંશોધનમાં સામે આવ્યું કે શરીરમાં વિટામિન Bની વધુ માત્રા હોવાથી પણ હાડકાં નબળા પડવાની શક્યતા છે. સાયન્સ મુજબ એક સ્વસ્થ મહિલાનાં શરીરમાં વિટામિન B12 2.4 માઇક્રોગ્રામ અને વિટમીન B6 1.5 મિલીગ્રામ માત્રા પૂરતી છે. જે ડ્રાય ફ્રૂટ્સ અને ડેરી પ્રોડક્ટ્સ દ્વારા પૂરી કરી શકાય છે. આ અભ્યાસમાં 30 વર્ષની ઉંમરની 75,864 મહિલાઓને સામેલ કરવામાં આવી હતી. જે પૈકી 2304 મહિલાઓમાં નિતંબનાં હાડકાંમાં ફ્રેક્ચરની સમસ્યા જોવા મળી. તેમના રોજિંદા આહારમાં જોવા મળ્યું કે તેઓ સામાન્ય કરતાં વધારે પૂરક પદાર્થોનું સેવન કરે છે. સંશોધનમાં જાણવા મળ્યું કે, જે મહિલાઓ રોજિંદા વિટામિન B6નું 2 મિલીગ્રામ અને B12નું 10 માઇક્રોગ્રામ માત્રામાં સેવન કરે છે, તેમનામાં નિતંબનાં હાડકાંનું ફ્રેક્સચર થવાનું જોખમ ઓછું હતું. જ્યારે 35 મિલીગ્રામ વિટામિન B6 અને 20 માઇક્રોગ્રામ B12ની માત્રા લેતી 47% મહિલાઓમાં આ જોખમ સૌથી વધુ હતું. વિટામિન B6 અને B12 બંનેનો આવશ્યકતાથી વધુ ડોઝ જોખમી સાબિત થઈ શકે છે. આ સંશોધન કરનાર ઓસ્લો યુનિવર્સિટીના પ્રોફેસર કહે છે કે, સપ્લિમેન્ટ્સ અને વિટામિનની વધુ માત્રા તમારા સ્વાસ્થ્યને નુકસાન પહોંચાડી શકે છે. એટલે જ આપણે ત્યાં કહેવાય છે કે કોઈપણ વસ્તુમાં અતિની ગતિ નથી હોતી.