ઈન્ટરમિટેન્ટ ફાસ્ટિંગથી ઘટાડી શકાય છે વજન, સ્ટડીમાં થયો ખુલાસો

જો તમે નવા વર્ષે વજન ઘટાડવા માટે રિઝોલ્યૂશન લેવા માગો છો તો ઈન્ટરમિટેન્ટ ફાસ્ટિંગ ટ્રાય કરો. એક સ્ટડી અનુસાર Intermittent Fasting લોકોને ખૂબ પસંદ આવી રહ્યું છે. ન્યૂ ઈંગ્લેન્ડ જર્નલ ઓફ મેડિસિનની સ્ટડી અનુસાર ઈન્ટરમિટેન્ટ ફાસ્ટિંગ કરવાના અનેક ફાયદા છે જેના કારણે તે લોકોમાં વધારે લોકપ્રિય છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો સ્ટડીમાં બે પ્રકારની ઈન્ટરમિટેન્ટ ફાસ્ટિંગ અંગે જણાવવામાં આવ્યું છે. પહેલી રીત મુજબ ફાસ્ટિંગમાં તમારે માત્ર 6-8 કલાક દરમિયાન જ ખાવનું હોય છે. તેનો અર્થ છે કે તમે પ્રતિ દિવસ 16 થી 18 કલાક સુધી કંઈ ખાવનું હોતું નથી. બીજા રીત મુજબ તમે બ્રેકફાસ્ટ, લંચ અને ડિનર લેવાનું હોય છે પરંતુ અઠવાડિયાના 5 દિવસ અને બાકીના બે દિવસ કંઈ ખાવાનું નથી. આ રીતે તમે એક દિવસમાં 500 કેલરી ઘટાડી શકો છો. સ્ટડીના લેખક પ્રોફેસર માર્ક મેટસનના મતે તેઓ છેલ્લા 30 વર્ષથી ઈન્ટરમિટેન્ટ ફાસ્ટિંગ કરી રહ્યા છે. માર્ક મેટસનનું કહેવું છે કે ઈન્ટરમિટેન્ટ ફાસ્ટિંગ વજન ઘટાડવા તેમજ અન્ય ઘણી રીતે ફાયદાકારક છે. તેમનું કહેવું છે કે ઈન્ટરમિટેન્ટ ફાસ્ટિંગ હાઈ કોલેસ્ટ્રોલ અને બ્લડ પ્રેશરને ઘટાડી શકે છે. યાદશક્તિ પણ વધારે છે. આ સાથે તણાવ દૂર કરવામાં મદદરૂપ થાય છે અને શરીરની ઈમ્યૂન સિસ્ટમને મજબૂત બનાવે છે. પરંતુ સ્ટડીમાં એક ચેતવણી પણ આપવામાં આવી છે. જે મુજબ ઈન્ટરમિટેન્ટ ફાસ્ટિંગ બાળકો, વૃદ્ધો અને ગર્ભવતી મહિલાઓ માટે સુરક્ષિત નથી.