દિલ્હી, યુપી, કેરળ સહિત અનેક રાજ્યોમાં ડેન્ગ્યુ (Dengue)ના કેસ પણ વધી રહ્યા છે. તેમાં પ્લેટલેટ્સ ઘટી જવાના કારણે જીવલેણ પણ સાબિત થઇ શકે છે. તેથી જ યોગ્ય સમયે નિદાન અને ઉપચાર શરૂ કરવો ખૂબ જ જરૂરી હોય છે. જો કે, ડેન્ગ્યુ અને ઓમિક્રોનના નવા વેરિએન્ટના લક્ષણોમાં સમાનતા હોવાના કારણે તેના નિદાનમાં મુશ્કેલી ઉભી થઇ રહી છે. અહીં જાણો, ડેન્ગ્યુ અને ઓમિક્રોનના લક્ષણોમાં અંતર કેવી રીતે ઓળખશો.
(સૌજન્યઃ ટાઇમ્સ ઓફ ઇન્ડિયા) (તસવીરોઃ પિક્સાબે.કોમ, ફ્રિપિક.કોમ)
ડેન્ગ્યુ વોર્નિંગ સાઇન્સ
યુએસ સેન્ટર ફોર ડિઝિઝ કંટ્રોલ એન્ડ પ્રિવેન્શન (Centers for Disease Control and Prevention) અનુસાર, ડેન્ગ્યુ ઇન્ફેક્શન થવા પર દર્દીમાં નીચે મુજબના લક્ષણો જોવા મળે છે.
- પેટમાં દુઃખાવો
- ઉલટી-ઉબકાં
- નાક અથવા પેઢાંમાં લોહી આવવું
- ઉલટી અથવા મળમાં લોહી
- થાક
- શરીર પર લાલ ચકામા
- આંખ, માસપેશીઓ અને હાડકાંમાં દુઃખાવો
- તાવ
કોવિડ-19ના સંકેત
શ્વાસ લેવામાં પરેશાની, છાતીમાં સતત દર્દ અથવા દબાણ, મૂંઝવણ, થાક, હોઠ અથવા ચહેરાના રંગમાં બદલાવ પણ કોવિડ-19ના ગંભીર સંકેત છે. જો કે, COVID-19ના કેટલાંક અન્ય લક્ષણો પણ છે જે વ્યક્તિ દીઠ અલગ અલગ હોઇ શકે છે. ડેન્ગ્યુ અને કોવિડના લક્ષણોમાં આ સમાનતા જોવા મળે છે.
- તાવ
- શરીરમાં દુઃખાવો
- માથાનો દુઃખાવો
કોવિડ અને ડેન્ગ્યુ ઇન્ફેક્શન બાદના લક્ષણો
ડેન્ગ્યુ ઇન્ફેક્શન થવાના 3થી 10 દિવસોની વચ્ચે સામાન્ય રીતે જે લક્ષણો જોવા મળે છે તેના યોગ્ય ઉપચારથી 5થી 7 દિવસમાં જ વ્યક્તિ ઠીક થઇ જાય છે. જ્યારે બીજી તરફ COVID ઇન્ફેક્શન થવાથી 4થી 5 દિવસમાં લક્ષણો જોવા મળે છે, જેને રિકવરી પીરિયડ 14 દિવસથી વધુ હોય છે.
ડેન્ગ્યુ કે કોવિડ - કેવી રીતે કરશો ઓળખ?
યુએસ સેન્ટર ફોર ડિઝિઝ કંટ્રોલ એન્ડ પ્રિવેન્શન (Centers for Disease Control and Prevention) તેમાં મોટાંભાગના લક્ષણો એક સમાન હોવાના કારણે નિદાન કરવું મુશ્કેલ થઇ જાય છે. તેથી જ સામાન્ય લક્ષણો જોવા મળે તો પણ તાત્કાલિક ડોક્ટરનો સંપર્ક કરવો જોઇએ. ડોક્ટર ડેન્ગ્યુ અને કોવિડ બંનેનો ટેસ્ટ કરાવવાની સલાહ આપે છે. કેટલાંક કેસમાં મલેરિયા અને ટાઇફોઇડ પરિક્ષણ પણ નિર્ધારિત કરવામાં આવે છે, જેથી સંક્રમણનું કારણ નિશ્ચિત રીતે જાણી શકાય.
આ સમાચારને અંગ્રેજીમાં વાંચવા માટે અહીં ક્લિક કરો
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.