જેકફ્રૂટના બીજના લાભકારી ગુણો વિશે સેલિબ્રિટી ન્યૂટ્રિશનિસ્ટ રુજુતા દિવાકરે (Celebrity Nutritionist Rujuta Diwekar) પોતાના ઇન્સ્ટાગ્રામ હેન્ડલ પર એક વીડિયો શેર કર્યો છે. આ વીડિયોમાં તેમની ટીમની એક મેમ્બરે જેકફ્રૂટના બીજના ફાયદા અને તેનું કેવી રીતે સેવન કરવું તે જણાવ્યું છે. ચાલો જાણીએ કે જેકફ્રૂટના બીજને ફેંકવાની ભૂલ કેમ ન કરવી જોઇએ.
(તસવીરોઃ ટાઇમ્સ ઓફ ઇન્ડિયા)
પાચન, વાળ અને સ્કિન માટે છે ફાયદાકારક
જેકફ્રૂટના બીજમાં ભરપૂર માત્રામાં ફાયબર હોય છે જે પાચન, મેટાબોલિઝમ અને આંતરડાના સ્વાસ્થ્યને સુધારવામાં મદદ કરે છે. તેની સાથે તે સ્કિન અને વાળને પણ સ્વસ્થ બનાવે છે.
જેકફ્રૂટના બીજ હોય છે ગુણકારી
શરીરને બનાવે છે ઉર્જાવાન
જેકફ્રૂટના બીજમાં વિટામિન B મળે છે. જે સમગ્ર શરીરનું સ્વાસ્થ્ય જાળવવામાં મુખ્ય ભૂમિકા ભજવે છે. આ શરીરમાં એનર્જીનું લેવલ સુધારે છે, મગજના કાર્ય પર પ્રભાવ કરે અને સ્વસ્થ કોષોને વધારે હેલ્ધી બનાવે છે.
હિમોગ્લોબિન વધારે છે
જેકફ્રૂટના બીજ આયર્નથી ભરપૂર હોય છે જે આપણા શરીરમાં હિમોગ્લોબિનનું ઉત્પાદન વધારવામાં મદદ કરે છે, જે રેડ બ્લડ સેલ્સના નિર્માણમાં પણ મદદ કરે છે.
પ્રોટીનથી છે ભરપૂર
જો તમને વારંવાર ભૂખ લાગતી હોય અને તમે તમારી ભૂખ શાંત કરવા માટે કોઇ હેલ્ધી ઓપ્શન શોધી રહ્યા હોવ તો તમે જેકફ્રૂટના બીજનું સેવન કરી શકો છો. તે પ્રોટીનથી ભરપૂર હોય છે એટલે તમને લાંબા સમય સુધી ભૂખ નથી લાગતી.
ઇમ્યૂનિટી બૂસ્ટ કરે છે
જે પ્રકારે દરરોજ નવા નવા વાયરસ આવી રહ્યા છે તેને ધ્યાનમાં રાખીને શરીરની ઇમ્યૂનિટી વધારવાની ખૂબ જરૂર છે. આ જરૂરીયાતને પૂરી કરવા માટે જેકફ્રૂટના બીજ બહુ કામ લાગશે.
કેવી રીતે કરશો તેનો ઉપયોગ
જેકફ્રૂટના બીજ ડાયટમાં ઉમેરવાની ઘણી રીત છે પણ આ બે રીત સરળ અને ઝડપી છે. પહેલું તો તમે જેકફ્રૂટના બીજને પાણીમાં 10-15 મિનિટ ઉકાળો અને તેની છાલ કાઢીને ખાવ અને બીજું છે જેકફ્રૂટના બીજને ઘીમાં મીઠું નાખીને ફ્રાય કરીને ખાવ.
નોંધઃ આ લેખ માત્ર સામાન્ય જાણકારી માટે છે, તે કોઇ દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.