TOI રિપોર્ટ અનુસાર, ગાયક કેકેનું પોસ્ટમોર્ટમ કરનારા ડોક્ટરે કહ્યું કે, કેકેને લાંબા સમયથી હૃદય સંબંધી બીમારીઓ હતી, જેનું સમાધાન શક્ય નહતું. તેઓના ડાબી તરફના હૃદયમાં મુખ્ય ધમનીઓ અને આર્ટરીમાં એક મોટી અને અન્ય ધમનીઓ, ઉપ-ધમનીઓમાં નાના નાના બ્લોકેજ હતા. લાઇવ શો દરમિયાન વધુ ઉત્તેજિત થવાના કારણે તેઓનો બ્લડ ફ્લો અટકી ગયો, હૃદયની ગતિ અટકી ગઇ અને તેઓનું નિધન થયું.
(તસવીરોઃ ટાઇમ્સ ઓફ ઇન્ડિયા)
ડાબી કોરોનરીમાં 80 ટકા બ્લોકેજ
ડોક્ટરે જણાવ્યું કે, કેકેની ડાબી તરફ મેઇન કોરોનરીમાં 80 ટકા બ્લોકેજ હતું જ્યારે અન્ય ધમનીઓ અને ઉપધમનીઓમાં નાના-નાના બ્લોકેજ હતા. કોઇ પણ બ્લોકેજ 100 ટકા નહતું. જો તેઓને તાત્કાલિક સીપીઆર આપવામાં આવ્યું હોત તો તેઓનો જીવ બચાવી શકાયો હોત. અહીં જાણો, સીપીઆર શું હોય છે અને આ ટેક્નિકનો ઉપયોગ કેવી રીતે કરવામાં આવે છે.
સીપીઆર શું છે અને તેનો ઉપયોગ
સીપીઆરનું ફૂલ ફોર્મ કાર્ડિયોપલ્મોનરી રિસસિટેશન (Cardiopulmonary resuscitation) છે, આ ઇમરજન્સી મેડિકલ ટેક્નિક છે જેની મદદથી વ્યક્તિના શ્વાસ અને હૃદય બંધ પડી જવા પર તેનો જીવ બચાવી શકાય છે. જ્યારે કોઇ વ્યક્તિનું હૃદય બંધ પડી જાય છે તો તેમે કાર્ડિયાક અરેસ્ટ કહેવામાં આવે છે. કાર્ડિયાક અરેસ્ટ દરમિયાન હૃદય, મગજ અને ફેફસા સહિત બાકીના શરીરમાં લોહી યોગ્ય રીતે પમ્પ નથી થતું. યોગ્ય સારવારના અભાવે વ્યક્તિનું મોત ગણતરીની મિનિટોમાં થઇ શકે છે. સીપીઆરમાં વ્યક્તિની છાતી પર દબાણ બને છે જેનાથી બ્લડ ફ્લોને ઠીક કરવામાં મદદ મળે છે.
સીપીઆરથી જીવ બચાવી શકાય છે?
CDC અનુસાર, હાલમાં હોસ્પિટલ બહાર કાર્ડિયાક અરેસ્ટથી પીડિત અંદાજિત 10માંથી 9 લોકોના મોત થાય છે. સીપીઆરની મદદથી આ સમસ્યાને ઘટાડી શકાય છે. કાર્ડિયાક અરેસ્ટ પહેલાં અમુક મિનિટોમાં દર્દીને સીપીઆર આપવામાં આવે તો દર્દીના જીવિત રહેવાની સંભાવના બેથી ત્રણ ગણી થઇ શકે છે.
સીપીઆર કેવી રીતે આપવામાં આવે છે
તમારાં બંને હાથને દર્દીની છાતીની વચ્ચે રાખો અને 100થી 120 પ્રતિ મિનિટના દરે જોરથી છાતી પર ધક્કો (Pressure) આપો. દરેક ધક્કા બાદ છાતીને પોતાની સામાન્ય સ્થિતિમાં આવવા દો. ઇમરજન્સી હેલ્પ પહોંચે ત્યાં સુધી આવું કરતાં રહો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા અથવા ઇલાજનો વિકલ્પ ના હોઇ શકે. વધુ માહિતી માટે તમારાં ડોક્ટરનો સંપર્ક કરો.