મહિલાને લિપ સર્જરી કરાવવી ભારે પડી, થઈ ગઈ આવી હાલત

ઘણીવાર અટપટી સર્જરીઓ પણ કોઈ સમસ્યા વિના સફળ થઈ જાય છે તો કેટલીક વાર સાદી સર્જરીમાં પણ એવી સમસ્યા ઊભી થાય છે જેની કલ્પના ડોક્ટર કે દર્દીએ પણ નહિ કરી હોય. સરાહ નજ્જર સાથે આવું જ બન્યું છે. તેણે પોતાના 30મા બર્થ ડે પછી હોઠનો આકાર બદલવા માટે લિપ સર્જરી કરાવવાનું નક્કી કર્યું. આ માટે તેણે 300 યુરો એટલે લગભગ 25,000 રૂપિયા જેટલો ખર્ચ કર્યો. પરંતુ આ સર્જરી એટલી ખરાબ થઈ છે કે તેના હોઠ એકદમ વિચિત્ર લાગે છે. કોઈએ માર્યું હોય અને હોઠ સૂજી ગયા હોય એવું લાગે છે. હવે ટેલિગ્રામ પર મેળવો દરેક મહત્વના સમાચાર, શરુ કરવા અહીં ક્લિક કરો સરાહને બીજાના ‘pillowed pout’ લિપ્સ ઘણા આકર્ષક લાગતા હતા અને તે પોતે પણ આ સર્જરી કરાવવા માંગતી હતી. પરંતુ તેણે ધાર્યું તેના કરતા સર્જરી પછીનું રિઝલ્ટ આઘાતજનક હતું. આ ફિલર્સ હટાવવા માટે તેણે બીજા 700 યુરો એટલે કે (લગભગ 56-60,000 રૂપિયા)નો ખર્ચ કરવો પ્યો હતો. આ સમગ્ર અનુભવથી તે એટલો આઘાત પામી ગઈ કે તેણે બીજાને પણ ચહેરા સાથે આવી સળી ન કરવા જાગૃત કરવાની પહેલ હાથ ધરી છે. સારાહે કહ્યું, “ફિલર ઈન્જેક્ટ કર્યા પછી મારા હોઠ સૂજી ગયા. મને પહેલા લાગ્યુ કે એ નોર્મલ છે. પરંતુ એક વર્ષ પછી તેના પર બ્લુ ચાઠા પડી ગયા. તે પથ્થર જેવા કડક લાગતા હતા. હું વાત કરુ તો પણ ચાઠા દેખાતા હતા. મને લાગ્યું કે આ એક સાવ સિમ્પલ પ્રક્રિયા છે. પરંતુ મારી સાથે જે થયું તે જોઈને હું આઘાતમાં જતી રહી. પરિણામે મેં લોકોને જાગૃત કરવાનું નક્કી કર્યું. હું ઈચ્છું છું કે લોકો ફિલર્સ કરાવતા પહેલા તેની સાથે જોડાયેલા રિસ્કને સમજે.” તે એમ પણ કહે છે કે ઘણીવાર સસ્તુ શોધવામાં સ્ત્રીઓ ખરાબ ડોક્ટરના હાથમાં પડી જાય છે. તેણે કહ્યું કે, ઘણી સ્ત્રીઓ સર્જરી પછી તેને સુધારવા માટે ફરી આવે છે. આ સર્જરી કરાવવા કરતા તેને સુધારવા પાછળ અનેક ગણો વધારે ખર્ચ થાય છે. સારા કહે છે, “મારા હોઠ આડા અવળા હતા અને ફૂલી ગયા હતા. તેમણે મને કહ્યું કે વધુ ફિલર નાંખવાથી સરખા થઈ જશે. આજે હું પાછી ફરીને વિચારુ છું તો સમજાય છે કે તે બરાબર નહતું. પરંતુ એ સમયે મેં તેમનો ભરોસો કરી લીધો. મારે ગમે તે ભોગે હોઠ સરખા કરાવવા હતા. આથી મેં વધુ એક મિલિલિટર ઈન્જેક્ટ કરાવ્યું. બે અઠવાડિયામાં બે મિલિલિટરના ઈન્જેક્શન લીધા. મારા હોઠ પહેલા કરતા પણ વધી સૂજી ગયા. તે મારા ચહેરા કરતા બે સેન્ટિમીટર બહાર હતા અને પથ્થર જેવા કડક હતા.” સારાને અફસોસ છે કે તેને સર્જરી પહેલા કોઈએ તેના કોમ્પિલકેશન કે રિસ્ક અંગે જાણ નહતી કરી. તે ઈચ્છે છે કે તેને જે પીડામાંથી પસાર થવું પડ્યું તેવું બીજા કોઈને પસાર ન થવું પડે. એથી જ તેણે સોશિયલ મીડિયા પર ફોટોઝ ફરતા મૂક્યા છે.