ઘરે કઈ રીતે બનાવશો એલોવેરા જેલ?
જો તમે ઈચ્છતા હોવ કે ઘરે એલોવેરા જેલ બનાવવું છે તો તેના માટે તમારી પાસે એલોવેરાનો છોડ હોય તે જરુરી છે. આ છોડમાંથી પાંદડા લઈને તેમાંથી એલોવેરા જેલ બનાવી શકાય છે. એલોવેરાના છોડમાંથી તેના મોટા દેખાતા પાંદડા છોડને નુકસાન ના થાય એ રીતે અલગ કર્યા બાદ આવો આગળ જાણીએ કે તેમાંથી જેલ કઈ રીતે બનાવીશું. આ જેલથી સ્કીનને ઘણાં ફાયદા થાય છે.
એલોવેરા જેલ બનાવવાની સરળ રીત
એલોવેરાના પાંદડા એકઠા કરી લીધા બાદ તેમાંથી જેલ બનાવવા માટે 30 મિનિટની જરુર છે. એલાવેરાનું જેલ બનાવવા માટે તેના મોટા પાંદડા લેવા જેથી તેમાંથી સારા પ્રમાણમાં ગલ મળી શકે. એલોવેરાના પાંદડાનો ઉપરનો લીલો ભાગ ચાકુથી છોલી લો અને અંદર રહેલો જેલવાળો ભાગ અલગ વાસણમાં લઈ લો. જેને બ્લેન્ડરથી સારી રીતે મિક્સ કરી લો. હવે તેમાં વિટામિન C અને E એડ કરી દો, આ બન્નેમાં એન્ટિઓક્સિડેન્ટ અને એન્ટી-એજિંગ ગુણ હોય છે.
કેટલા દિવસ સુધી ઉપયોગમાં લઈ શકાય?
ઘરે બનાવેલા એલોવેરા જેલમાં પ્રિર્ઝ્વેટિવ નહીં નાખ્યું હોય તો તે લાંબો સમય સાચવી શકાશે નહીં. માટે તેમાં જો શક્ય હોય તો તમે એલોવેરાના 1 કે 2 પત્તામાંથી જેલ તૈયાર કરો કે જેથી તેનો ઉપયોગ એક જ વારમાં કરી લેવાય અને તેને સાચવવી ના પડે. જો તેને લાંબો સમય સુધી સાચવવા માગતા હોવ તો તેમાં વિટામીન C ને વિટામિન E કેપ્સૂલ નાખો.
કઈ રીતે એલોવેરા જેલનો ઉપયોગ કરશો?
તમે સ્કીન પર સીધો એલોવેરા જેલનો ઉપયોગ કરી શકો છો. એલોવેરા જેલ સનબર્ન, નાની ઈજા, ઘા કે ચામડી કપાઈ હોય તેમાં પણ ઉપયોગી થઈ શકે છે. એલોવેરા સ્કીનની ડ્રાયનેસ દૂર કરે છે અને તેને ઘણી જ મોઈશ્ચયુરાઈઝર બનાવે છે. સ્કીનને મોઈશ્ચર પૂરું પાડવા માટે એલોવેરાનો ઉપયોગ સૌથી શ્રેષ્ઠ માનવામાં આવે છે. આવામાં બજારમાં રુપિયા ખર્ચવાના બદલે ઘરે જ નેચલ જેલ તૈયાર કરી શકો છો.
કોણે ઉપયોગ કરવાનું ટાળવું જોઈએ?
જે મહિલાઓ ગર્ભવતી છે અથવા સ્તનપાન કરાવે છે અને જે બાળકો 12 વર્ષથી નાના હોય તેમણે એલોવેરાનો મૌખીક ઉપયોગ કરવાનું ટાળવું જોઈએ. આ સાથે એ વાતનું પણ ધ્યાન રાખવું જોઈએ કે શરીર પર એલોવેરાની કોઈ આડઅસર જેવી કે- ખુજલી, બળતરા થાય તો એલોવેરાનો ઉપયોગ કરવાનું ટાળવું જોઈએ. જે લોકોને લસણ, ડુંગળી, તુલીપની એલર્જી હોય તેમણે પણ એલોવેરાનો ઉપયોગ કરવાનું ટાળવું જોઈએ.