કોરોના વાયરસના ઘણા લક્ષણોમાં વધુ એક નવું લક્ષણ શામેલ થઈ ગયું છે. તમે આ બીમારી અંગે કોઈપણ રીતે કન્ફ્યૂઝ ન થાઓ, કારણ કે, આ એક એવી મહામારી છે જે આપણા જીવનકાળમાં અચાનકથી ઉદભવી છે અને વિકરાળ સ્વરૂપ ધારણ કરી લીધું છે. એટલે આના લક્ષણોથી લઈને તેની વેક્સીન અને દવાઓ સુધી બધાની શોધ આપણે જ કરવાની છે. એટલે પેનિક થવાને બદલે પ્રેક્ટિકલ થઈને વિચારો…
મુશ્કેલ છે પણ ડરવાનું નથી
કોવિડ-19 અને અન્ય કોઈ ફ્લૂમાં તફાવત કરવો એટલે મુશ્કેલ હોય છે કારણ કે, શરૂઆતી સ્તર પર કોરોનાના લક્ષણ સામાન્ય ફ્લૂ જેવા જ લાગે છે. જેમ કે, તાવ, સૂકી ખાસી અને શ્વાસ લેવામાં તકલીફ.
જેવા કોરોનાના અન્ય લક્ષણો વિશે જાણવા મળ્યું તો સામે આવ્યું કે, શરદી થવી, સ્મેલ અને ટેસ્ટનું ખતમ થઈ જવું પણ કોરોનાના લક્ષણ છે. આ બધી તકલીફો કોઈપણ સામાન્ય ફ્લૂ અને વાયરલ દરમિયાન થાય છે.
કોરોનાના તાજા લક્ષણોમાં શામેલ થઈ છે મ્હોમાં રેશેઝ થવાની સમસ્યા. આ જાણકારી સ્પેનના ડૉક્ટર્સ દ્વારા રજૂ કરવામાં આવી છે, જેમની પાસે ઘણા એવા કેસ આવ્યા છે, જેમાં કોરોનાના દર્દીઓને મ્હોમાં ચાંદાની સમસ્યા હતા. મ્હોમાં ચાંદીની સમસ્યાને મેડિકલ ભાષામાં એનાન્થમ (Enanthem) કહેવામાં આવે છે.
આ સ્ટડી 15 ઑગસ્ટના રોજ જામા ડર્મેટૉલૉજીમાં પ્રકાશિત થઈ છે. આમાં કહેવામાં આવ્યું છે કે, છેલ્લા કેટલાક સમયમાં કોરોનાના જેટલા દર્દીઓ આવ્યા છે તેમાથી 21 પેશન્ટમાં સ્કિન રેશેશની સમસ્યા હતી. આ 21માંથી 6 પેશન્ટ એવા હતા જેમને માઉથ રેશેશની સમસ્યા હતી.
આ અંગે ન્યૂ યૉર્ક સિટી સ્થિત લેનૉક્સ હિલ હોસ્પિટલના ડર્મેટોલૉજિસ્ટ ડૉક્ટર માઈકલ ગ્રીનનું કહેવું છે કે, એનાન્થમ સામાન્યપણે નાના ડાઘ હોય છે. આ મ્યૂકસ મેમ્બ્રેન પર ઊદભવે છે અને મુખ્યપણે લાલ અથવા સફેદ હોય છે. આ વાયરલ ઈન્ફેક્શનના દર્દીઓ, ચિકનપૉક્સથી ગ્રસ્ત પેશન્ટ્સ, હેન્ડ, ફૂટ અને માઉથ ડિસીઝથી પીડિત લોકોમાં વધારે જોવા મળે છે. વાયરલ ફીવરમાં મ્યૂકસ મેમ્બ્રેન પર માઉથ રેશેશ થવા બહુ સામાન્ય છે.
ધ્યાન આપવું જરૂરી
કોરોના સંક્રમિત દર્દીઓમાં આ પ્રકારની સમસ્યાનું મળેલું એકદમ નવું લક્ષણ છે, એમ પણ ન કહી શકાય. કારણ કે મોટાભાગના કેસમાં કોરોના દર્દીઓની ઓરલ હેલ્થ અને માઉથ કેવિટીની શરૂઆતી સ્તરે તપાસ કરાઈ નથી.