ફર્ટિલિટી એટલે કે વાંઝિયાપણાની સમસ્યા સામે જજુમી રહેલા કપલ્સ માટે આશિર્વાદ સમાન છે ઇન વિટ્રો ફર્ટિલાઈઝેશન એટલે કે IVF ટેક્નોલોજી. આ પ્રક્રિયામાં મહિલાના અંડકોષને શરીરની બહાર જ સ્પર્સ સાથે ફલિત કરવામાં આવે છે અને ત્યારબાદ કેટલોક સમય ઓબ્ઝર્વેશન કર્યા બાદ ભ્રૂણને ગર્ભાશયમાં પરત સ્થાપિત કરી દેવાય છે. જોકે તેમ છતા IVF સાથે અનેક એવી અફવાઓ જોડાયેલી જેને કારણે લોકો આ ટેક્નોલોજીને સેફ નથી માનતા. તેવામાં મિથકો અંગે અહીં જાણો… હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો લોકો માને છે કે જે મહિલાનું વજન વધારે પડતું હોય તેમનામાં IVF ટેક્નોલોજી કામ નથી કરતી. જ્યારે હકીકત એ છે કે કોઈપણ મહિલા ગર્ભધારણ કરવાના પ્રયાસ કરે ત્યારે પછી તે કુદરતી રીતે હોય કે IVF ટેક્નોલોજી દ્વારા વધુ વજન ધરાવતી મહિલાઓને ગર્ભધારણ કરવામાં મુશ્કેલી થાય જ છે. જોકે આ એક ભ્રાંતિ જ છે કે IVF ફક્ત હેલ્ધી બોડી શેપ ધાવતી મહિલાઓમાં જ સફળ થાય છે. ડોક્ટર્સનું માનીએ તો વધારે પડતા વજન અને શરીરના વધુ BMIનું ગર્ભાવસ્થા સાથે કોઈ કનેક્શન નથી. હા વધારે વજનથી મહિલાના શરીરમાં એગ કાઉન્ટમાં ઘટાડો આવી શકે છે પરંતુ IVF નિષ્ફળ જાય તેવું નથી કેટલાક એવું માને છે કે IVFથી જન્મેલા બાળકો સામાન્ય બાળકો કરતા અલગ હોય છે. આ સાવ ખોટી માન્યતા છે. અહીં ફક્ત અંતર છે તો ફક્ત ગર્ભધારણ કરવાની પદ્ધતીમાં બાકી IVF દ્વારા જન્મેલા બાળકો પણ હેલ્ધી જ હોય છે. અંડકોષને ફ્રીઝ કરવાથી નુકસાન થાય તેવું પણ કેટલાક માનતા હોય છે અને આ કારણે બાળકોમાં જન્મજાત દોષ આવે છે. પરંતુ આ તદ્દન ખોટી વાત છે. IVF પ્રક્રિયાથી તૈયાર થતું ભ્રૂણ એકદમ મજબૂત હોય છે અને તમને જાણીને આશ્ચર્ય થશે કે મહિલાના શરીરમાં મળતા અંડકોષ ફ્રીઝરમાં લાંબો સમય સુધી સુરક્ષિત રહે છે. તે ન તો નબળા પડે છે કે નથી ક્યારેય ખરાબ થતા. IVFથી કેન્સરનો ખરતો વધતો હોવાનું કેટલીક મહિલાઓ માને છે જેથી આ પદ્ધતી અપનાવતા અચકાય છે. IVF પ્રક્રિયામાં મહિલાના શરીરમાં વધારાના હોર્મોન્સ એડ કરવામાં આવે છે. પરંતુ તેનાથી કેન્સર જેવી બીમારીનો ખતરો નથી તેવું અનેક વૈજ્ઞાનિક અભ્યાસમાં સાબિત થઈ ચૂક્યું છે. તેમજ IVF પ્રેગ્નેન્સીમાં ઇન્ફેક્શનનો ભય પણ ખૂબ જ ઓછો થઈ જાય છે.
