કોલેસ્ટ્રોલની નોર્મલ રેન્જ ડોક્ટર્સના જણાવ્યા અનુસાર, 70 મિલીગ્રામ/ ડીએલ (DL)થી નીચે છે, તેનો અર્થ એ છે કે આનાથી વધારે માત્રામાં કોલેસ્ટ્રોલ હશે તો સ્વાસ્થ્ય માટે જોખમી સાબિત થઇ શકે છે. શરીરમાં કોલેસ્ટ્રોલ વધવાથી અનેક પ્રકારના નુકસાન થઇ શકે છે. તે તમારી લોહીની નસોને બ્લોક કરી શકે છે, પરિણામે બ્લડફ્લો ધીમી ગતિએ અથવા અટકી જાય છે. આનાથી હાર્ટ અટેક, સ્ટ્રોક, મગજના સ્ટ્રોક અથવા હૃદયરોગ થવાનું જોખમ રહેલું છે.
કોલેસ્ટ્રોલને ઘટાડવા માટે મેડિકલ સાયન્સમાં અનેક દવાઓ અને ઇલાજ મોજૂદ છે, પરંતુ એક પ્રાકૃતિક વસ્તુ પણ છે જેને તમારાં ડાયટમાં સામેલ કરવાથી ખરાબ કોલેસ્ટ્રોલને ઘટાડી શકાય છે. આ છે જવારા અથવા વ્હીટગ્રાસ (Wheatgrass), NCBIમાં પ્રકાશિત એક અધ્યયન અનુસાર, વ્હીટગ્રાસ અથવા જવારાને ડાયટમાં સામેલ કરવાથી ખરાબ કોલેસ્ટ્રોલ (LDL cholesterol or bad cholesterol)ને ઘટાડી શકાય છે.
(તસવીરોઃ પિક્સાબે.કોમ, ફ્રિપિક.કોમ)
વ્હીટગ્રાસ શું છે?
વ્હીટગ્રાસ (Wheatgrass) એ અંકૂરિત ઘઉંના છોડને કહેવામાં આવે છે, તેને ઘઉંના જવારા તરીકે પણ ઓળખવામાં આવે છે. તેનો ઉપયોગ જ્યૂસ, પાઉડર અને અન્ય રીતે ખાવામાં કરી શકાય છે. તેમાં અનેક પોષક તત્વો રહેલા હોય છે અને કેટલીક વિશિષ્ટ બીમારીઓ પણ દૂર કરી શકાય છે.
વ્હીટગ્રાસના પોષક તત્વો
આ એક સુપરફૂડ પણ છે, કારણ કે તેમાં અનેક પ્રકારના પોષકતત્વો રહેલા છે જે શરીરના કામકાજની ક્ષમતામાં સુધાર લાવવા માટે જરૂરી છે. વ્હીટગ્રાસમાં એન્ટી-ઓક્સિડન્ટ, એન્ટી-બેક્ટેરિયલ અને એન્ટી-ઇન્ફ્લેમેન્ટરી ગુણ હોય છે. તેમાં આયર્ન, કેલ્શિયમ, એન્ઝાઇમ, મેગ્નેશિયમ, 17 એમિનો એસિડ, વિટામિન એ, સી, ઇ, કે અને બી કોમ્પલેક્સ, ક્લોરોફિલ અને પ્રોટીન રહેલું છે.
કોલેસ્ટ્રોલ ઘટાડી શકે છે વ્હીટગ્રાસ
વર્ષ 2010ના (NIH Research) સંશોધન અનુસાર, વ્હીટગ્રાસ કોલેસ્ટ્રોલ લેવલને ઘટાડી શકે છે. આ અધ્યયનમાં વજન ઘટાડવાથી તમારાં કોલેસ્ટ્રોલ લેવલને ઘટાડી શકાય છે અને હૃદયરોગના જોખમોને નિવારી શકાય છે તેવું સાબિત થયું છે.
કોલેસ્ટ્રોલ કેવી રીતે ઘટાડશે વ્હીટગ્રાસ?
નેશનલ ઇન્સ્ટિટ્યૂટ્સ ઓફ હેલ્થ (NCBI)માં પ્રકાશિત એક રિસર્ચ અનુસાર, નિષ્ણાતોએ વ્હીટગ્રાસનું સસલાંઓ પર અધ્યયન કર્યુ હતું. એક ગ્રૂપને 10 અઠવાડિયા સુધી વ્હીટગ્રાસ આપવામાં આવ્યું. સંશોધનકર્તાઓએ નોંધ્યું કે, સસલાંના આ ગ્રૂપમાં ખરાબ કોલેસ્ટ્રોલનું પ્રમાણ ઘટી ગયું હતું અને સારું કોલેસ્ટ્રોલ વધી ગયું હતું.
ઇમ્યૂન સિસ્ટમને મજબૂત બનાવશે
વ્હીટગ્રાસ તમારી ઇમ્યૂન સિસ્ટમની કાર્યક્ષમતામાં વધારો કરે છે. તે ઇન્ફેક્શન અને અન્ય બીમારીઓને દૂર કરવામાં મદદ કરે છે. જો તમને કોઇ ઇન્ફેક્શન ઝડપથી લાગી જાય છે, તો ઇમ્યૂન સિસ્ટમને મજબૂત બનાવવાથી ઝડપથી રિકવરી થઇ શકે છે.
વજન ઘટાડવા માટે ઉત્તમ
વર્ષ 2015માં થયેલા એક રિસર્ચ (NIH Research- Medical Use of Wheatgrass) અનુસાર, વ્હીટગ્રાસનો જ્યૂસ પીવાથી ચયાપચયની ક્રિયા ઝડપી બને છે અને વજન ઘટાડવામાં મદદ મળે છે. વ્હીટગ્રાસમાં કેલેરીનું પ્રમાણ લગભગ નહીંવત્ હોય છે અને તે ચરબીરહિત હોવાના કારણે તેનું સેવન કરવાથી પેટ ભરેલું રહેશે. આ સિવાય તે તમારાં પાચનતંત્રને મજબૂત બનાવીને વજન ઘટાડવામાં પણ મદદ કરે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.