આ તમામ સમાચારો વચ્ચે ચોંકાવનારો રિપોર્ટ સામે આવ્યો છે, જે અનુસાર ચીન જ્યાંથી કોરોનાનો ફેલાવો શરૂ થયો હતો, ત્યાંના અલગ અલગ પ્રાંતમાં ઓમિક્રોન (Omicron)ના બે નવા વેરિએન્ટ્સ BF.7 અને BA.5.1.7 મળી આવ્યા છે. આ બંને વેરિએન્ટ્સ અગાઉ જોવા મળેલા વેરિએન્ટ્સ કરતા વધારે ઘાતક છે અને તેમાં ઝડપથી ચેપ ફેલાવવાની ક્ષમતા છે.
સમસ્યા એ નથી કે, ઓમિક્રોનના નવા વેરિએન્ટ્સ સામે આવી રહ્યા છે પરંતુ નિષ્ણાતો અનુસાર, આ વેરિએન્ટ્સ અને સબ વેરિએન્ટ્સ શિયાળામાં કોરોનાના કેસમાં વધારો કરી શકે તે છે. હાલ આ બંને વેરિએન્ટ્સના કેસ ચીનમાં જોવા મળી રહ્યા છે. જો કે, હેલ્થ એક્સપર્ટ્સ નવા વેરિએન્ટ્સથી કોરોનાના નવા કેસ વધી શકે તે તરફ ચિંતા વ્યક્ત કરી રહ્યા છે. ગ્વાંગડોંગ પ્રાંતના શોગુઆન શહેરમાં બીએ.5.17ના અને શાઓગુઆન અને યંતાઇ શહેરમાં બીએફ.7ના કેસ જોવા મળ્યા છે.
(તસવીરોઃ પિક્સાબે.કોમ, ફ્રિપિક.કોમ)
BA.5નો સબવેરિએન્ટ છે BF.7
ચીન મીડિયા રિપોર્ટ અનુસાર, BF.7 પહેલેથી જ મોજૂદ ઓમિક્રોનના વેરિએન્ટ BA.5નો એક સબવેરિએન્ટ છે. તેથી જ તે ઇમ્યૂનિટીને મ્હાત આપી શકે તેવી ક્ષમતા ધરાવે છે. ચીન સરકાર અનુસાર, BA.5.1.7 અને BF.7 સબવેરિએન્ટ વધારે સંક્રમક છે અને સરળતાથી વેક્સિનેસન દ્વારા તૈયાર થયેલી પ્રતિરક્ષાથી બચી શકે છે. WHOએ અગાઉ ઓમિક્રોનના બીએફ.7 વેરિએન્ટ્સ વિરૂદ્ધ ચેતવણી આપતા કહ્યું હતું કે, શક્ય છે કે આ વેરિઅન્ટ નવી પ્રમુખ આવૃતિ બની જશે.
કેટલાં દેશોમાં ફેલાઇ રહ્યો છે BF.7?
ઉલ્લેખનીય છે કે, ચીનના અનેક શહેરોમાં હાલ નવા વેરિએન્ટ્સના કેસ સામે આવી રહ્યા છે. માત્ર ચીન જ નહીં બેલ્જિયમ, જર્મની, ફ્રાન્સ, ડેનમાર્ક અને ઇંગ્લેન્ડમાં પણ તે ઝડપથી ફેલાઇ રહ્યો છે.
BF.7 કેટલો જોખમી છે?
સેન્ટર ફોર ડિઝિઝ કંટ્રોલ એન્ડ પ્રિવેન્શન (Center for Disease Control and Prevention) અનુસાર, અમેરિકામાં કુલ સક્રિય કોરોના કેસમાં BF.7નું યોગદાન 46 ટકા છે. જ્યારે બીએ.5 અને બીએ.4.5 બે સૌથી વધુ ચેપી વેરિએન્ટસ છે અને બીએફ.7 ત્રીજા સ્થાન પર છે. આ સિવાય BA.2.75 અને BA.4 અમેરિકામાં કેટલાંક કેસોમાં 1.8 ટકા છે અને કેટલાંક કેસમાં 0.8 ટકા છે. આનાથી સ્પષ્ટ થાય છે કે, BF.7 પોતાની પકડ જમાવી રહ્યો છે.
શું આ નવા જોખમની શરૂઆત છે?
કોરોના વાયરસની શરૂઆતથી લઇને અત્યાર સુધી અનેક વેરિએન્ટ્સ સામે આવ્યા છે. ચોક્કસથી કેટલાંક વેરિએન્ટ્સ માણસોને વધારે નુકસાન નથી પહોંચાડી શક્યા પરંતુ આ નવા વેરિએન્ટ્સને હળવાશમાં લેવા ભૂલ સાબિત થઇ શકે છે. BF.7 અંગે નિષ્ણાતોએ જણાવ્યું કે, તે ધીમે ધીમે પોતાની પકડ બનાવી રહ્યો છે અને ઇન્ફેક્શન રેટ વધારે હોવાના કારણે તે ઝડપથી ફેલાય તેવી શક્યતાઓ પણ છે.
અનેક દેશોમાં ફરીથી નવા કેસમાં વધારો
આ લક્ષણો પર રાખો નજર
- ગળુ ખરાબ થવું
- માથાનો દુઃખાવો
- સૂકી ખાંસી
- શરદી અને શરદી સમાન લક્ષણો
- ખાંસી (કફની સાથે)
- વારંવાર છીંકો આવવી
- કર્કશ અવાજ
- માસપેશીઓમાં દર્દ અને સાંધાનો દુઃખાવો
- થાક લાગવો
શું શિયાળામાં કોરોના બનશે જોખમી?
નવા વેરિએન્ટ્સના લક્ષણોને જોતા હેલ્થ એક્સપર્ટ્સે આ શિયાળામાં કોરોનાના ઇન્ફેક્શનથી બચીને રહેવાની તાકીદ કરી છે. એરિક ટોપોલ (Eric Topol)એ યુએસ સીડીસી (US CDC report)ના ટ્વીટ આધારે જણાવ્યું કે, બીએ5 અને બીએ.2.75xનું જોખમ ઘટ્યું છે. જ્યારે બીએફ.7 (બીએ.5.2.1 એક્સ) અને બીએ.4.6 ઝડપથી વધી રહ્યો છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
આ સમાચારને અંગ્રેજીમાં વાંચવા માટે અહીં ક્લિક કરો