એક્સપર્ટ્સ અનુસાર, ઘણીવાર સાવ સસ્તી અને સરળતાથી પ્રાપ્ત વસ્તુઓમાં પણ એ પોષકતત્વો મળી રહે છે જે સ્વાસ્થ્ય માટે ખૂબ જ જરૂરી હોય છે. ભારતના જાણીતા ડાયટિશિયન લવનીત બત્રા (Lovneet Batra, Nutrition Consultant) અનુસાર, હેલ્ધી ડાયટનો અર્થ મોંઘીદાટ વસ્તુઓ નથી હોતી. કેટલાંક બજેટ ફ્રેન્ડલી ખાદ્ય પદાર્થો તમારાં રસોડામાં સરળતાથી ઉપલબ્ધ હોય છે જેમાં સ્વાસ્થ્યનો ખજાનો છૂપાયેલો હોય છે.
આ ખાદ્ય પદાર્થો એવા છે જે હેલ્ધી હોવા ઉપરાંત સરળતાથી તમે તમારાં ડાયટમાં સામેલ કરી શકો છો. ચિંતાની બાબત એ છે કે, મોટાંભાગના લોકો આ વસ્તુઓને ક્યારેક-ક્યારેક જ ખાય છે. જો તમે આ સસ્તી વસ્તુઓના સ્વાસ્થ્ય લાભ વિશે જાણશો તો દરરોજ તેનો ઉપયોગ કરતાં થઇ જશો.
(તસવીરોઃ પિક્સાબે.કોમ, ફ્રિપિક.કોમ)
બાજરી
આ સૌથી સામાન્ય અનાજમાંથી એક છે અને ભારતીય ઘરોમાં તેને વ્યાપક પ્રમાણમાં ઉપયોગમાં લેવામાં આવે છે. સસ્તા ભોજન તરીકે ગણાતી બાજરી સ્વાસ્થ્યવર્ધક પોષકતત્વો પુરાં પાડવામાં અમીર છે. બાજરાના ફાયદાની વાત કરીએ તો તે ઉર્જા, કેલેરી અને પ્રોટીનનો ઉત્તમ સ્ત્રોત છે. તે રેઝિસ્ટન્ટ્ સ્ટાર્ચ (Resistant starches), દ્રાવ્ય અને અદ્રાવ્ય ફાઇબર (functioning kind of fiber), ખનિજ અને એન્ટી-ઓક્સિડન્ટ્સનો ખજાનો છે.
કેળાં
તમે કેળાં તો ખાતા જ હશો, બાળપણમાં ટિફિન બોક્સમાં પણ ઘણીવાર કેળાં જોઇને તમે કમને પણ ખાઇ લીધા હશે. બાળપણમાં જ્યારે પણ એનર્જીની ઉણપ દેખાય તો દાદી-નાની કેળાં ખાવાની સલાહ આપે છે. કેળાં સસ્તા હોવા ઉપરાંત પોટેશિયમ, ફાઇબર, કેલ્શિયમ, મેન્ગેનિઝ, મેગ્નેશિયમ, આયર્ન, ફોલેટ, નિયાસિન, રાઇબોફ્લેવિન અને વિટામિન B6 જેવા પોષકતત્વોથી ભરપૂર હોય છે.
છોલે
પ્રોટીન માટે માત્ર માસ, માછલી કે ચિકન પર નિર્ભર રહેવાની જરૂર નથી. છોલે પણ પ્રોટીનનો ઉત્તમ સ્ત્રોત હોય છે. તેમાં ફાઇબર, વિટામિન અને ખનિજ તત્વો ભરપૂર માત્રામાં જોવા મળે છે. નિયમિત રીતે છોલેનું સેવન કરવાથી વજન ઘટાડવામાં, પાચનમાં સુધાર અને અન્ય બીમારીઓના જોખમને દૂર કરવામાં પણ મદદ મળે છે.
પાલક
હાલમાં સ્વાસ્થ્ય માટે લોકો ગ્રીન વેજીટેબલ્સને વધારે મહત્વ આપે છે, કારણ કે તેના અનેક સ્વાસ્થ્ય લાભો છે. આ જ પ્રકારે પાલકને તમે સલાડ, પુલાવ અને સૂપમાં પણ ઉપયોગમાં લઇ શકો છો અથવા તેની સ્મૂધી પણ તૈયાર કરી શકો છો. માર્કેટમાં સરળતાથી પ્રાપ્ત પાલકમાં વિટામિન K ભરપૂર માત્રામાં હોય છે, જે હાડકાંને સ્વસ્થ રાખવામાં મહત્વપૂર્ણ ભૂમિકા ભજવે છે, ઉપરાંત તે હૃદયરોગ અને કેન્સરના જોખમોમાં પણ ઘટાડો કરે છે.
મગની દાળ
આ દાળમાં પ્રોટીન અને ફાઇબરની માત્રા વધારે અને કેલેરીની માત્રા ઓછી હોય છે. તે માસપેશીઓમાં સુધાર અને નિર્માણમાં મદદ કરે છે અને તેનાથી પેટ લાંબા સમય સુધી ભરેલું રહે છે. આ એવા લોકો માટે વિકલ્પ છે જેઓ શાકાહારી છે અને પ્રોટીન ઇન-ટેકમાં વધારો કરવા ઇચ્છે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.