આયુર્વેદમાં એવી અનેક જડીબુટ્ટીઓનો ઉપયોગ કરવામાં આવે છે, જેમાંથી એક પારંપરિક જડીબુટ્ટી મૂલેઠી પણ છે, જે અનેક પ્રકારની બીમારીઓમાં ફાયદાકારક સાબિત થઇ શકે છે. તે શિયાળામાં શરદી અને ફ્લૂ જેવા લક્ષણોનો ઇલાજ કરવા માટે પણ ઉપયોગી છે. આ સિઝનમાં ખાંસી, તાવ, શરદી, ગળાની ખરાશ, શરીરમાં દુઃખાવો અને ટોન્સિલ્સ જેવી સમસ્યાઓનું જોખમ વધે છે અને તેમાંથી રાહત મેળવવા માટે તમે મૂલેઠીનો ઉપયોગ કરી શકો છો.
અહીં જાણો, રિસર્ચગેટ (ResearchGate) પર પ્રકાશિત એક અધ્યયન અનુસાર, મૂલેઠીનો ઉપયોગ કેવી રીતે અને કેટલાં પ્રકારે કરી શકાય છે. મૂલેઠીને સ્વીટવૂડ તરીકે પણ ઓળખવામાં આવે છે, જેને તેના સ્વાદ અને સુગંધના કારણે ચા ઉપરાંત અન્ય જ્યૂસમાં નાખીને પીવામાં આવે છે.
(તસવીરોઃ પિક્સાબે.કોમ, ફ્રિપિક.કોમ)
મૂલેઠીના ફાયદા
રિસર્ચગેટ (ResearchGate) પર પ્રકાશિત એક અધ્યયન અનુસાર, મૂલેઠીમાં એન્ટી-વાયરલ, એન્ટી-ઇન્ફ્લેમેન્ટરી અને એન્ટી-બેક્ટેરિયલ ગુણો હોય છે જે પાચનતંત્રને શ્રેષ્ઠ બનાવવામાં મદદ કરે છે. તે કબજિયાતની સમસ્યાને દૂર કરીને ગેસ્ટ્રિક અને પેષ્ટિક અલ્સરને અટકાવે છે. આ સિવાય તે રોગપ્રતિકારક શક્તિને વધારીને બીમારીઓ અને ઇન્ફેક્શનને દૂર કરે છે. તેનાથી હાઇ કોલેસ્ટ્રોલવાળા લોકોને પણ ફાયદો મળે છે, કારણ કે તેમાં મોજૂદ એન્ટીઓક્સિડન્ટ રક્તકોશિકાઓના કાર્યને સરળ બનાવે છે અને ધમનીમાં પ્લાક જમા નથી દેતું.
મૂલેઠીનો ઉપયોગ
શરીરમાં અનેક બીમારીઓના ઇલાજમાં મદદ કરવા ઉપરાંત મૂલેઠી ખાંસી અને શરદીને ઠીક કરવામાં મદદ કરે છે. તે ગળામાં ખરાશ અને અન્ય શ્વસન લક્ષણો માટે શ્રેષ્ઠ ગણાય છે. આ માટે -
- મૂલેઠીના કેટલાક મૂળને પાણીમાં ઉકાળીને પી શકાય છે
- એકવાર આ પાણી તૈયાર કર્યા બાદ ગળાની ખરાશ દૂર કરવા માટે ધીમા ઘૂંટે આ પાણી પીવો
- ગરમ પાણીમાં એક ચમચી મધ નાખીને મૂલેઠી પાઉડર મિક્સ કરી લો
- આ પાણી સૂકી ખાંસીનો ઇલાજ કરવા માટે ઉત્તમ છે
- મૂલેઠીના મૂલનો એક ટૂકડો, તુલસી અને પુદીનાના પાન મિક્સ કરીને આ પાણીને 10 મિનિટ સુધી ધીમી આંચે ગરમ કરો
- પાણીને ગાળીને તે થોડું ગરમ હોય ત્યારે જ પી લો
ચાવવાથી પણ મળશે ફાયદાઓ
જો તમને મૂલેઠીનો ઉકાળો અથવા તેનાથી બનેલી ચા પીવાનું પસંદ નથી તો તેના મૂળને ઝીણા ચાવી શકો છો. આનાથી ગળામાં ખરાશ અને કર્કશ અવાજની સમસ્યા દૂર થશે.
આ સમાચારને અંગ્રેજીમાં વાંચવા માટે અહીં ક્લિક કરો
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.