સ્મોકિંગની આદત છોડવી છે તો આજથી જ દોડવાનું શરૂ કરી દો

I am Gujarat

વ્યસન નથી છૂટી રહ્યું

નવી દિલ્હીઃ સિગારેટ ફૂંકવાનું વ્યસન છોડવામાં મુશ્કેલી પડે છે? તો રનિંગ ગ્રુપમાં જોડાઈ જાઓ. એમ કરવાથી તમને તમાકુના વ્યસનમાંથી છૂટવામાં ખૂબ મદદ થશે.

રોજ દોડવાનું શરૂ કરી દો

કેનેડાની યુનિવર્સિટી ઓફ બ્રિટિશ કોલમ્બિયાના સંશોધકો દ્વારા એક રિસર્ચ કરવામાં આવ્યું છે. જેમાં સ્મોકિંગ છોડવા માટે લોકોને ગ્રુપમાં નિયમિત દોડવાની એકિટવિટીમાં જોડવામાં આવ્યા હતા. કેનેડામાં 162 સ્મોકર્સ આ રન-ટુ-કિવટ મૂવમેન્ટમાં જોડાયા હતા. આ મૂવમેન્ટમાં 72 લોકો છેક સુધી ટકી રહ્યા હતા અને 37 પાર્ટિસિપન્ટ્સ સિગારેટ છોડી શકયા હતા એટલું જ નહીં.

ફેફસાંની ક્ષમતા સુધરી

આ પ્રયોગમાં સ્મોકિંગ છોડવા ઇચ્છતા લોકોને એક વીકમાં પાંચ કિલોમીટરનું રનિંગ કરવાનું કહેવામાં આવ્યું હતું. ગ્રુપ રનિંગ એકિટવિટી હોવાથી લોકોનો ઉત્સાહ જળવાઇ રહે છે. તેમના ઉચ્છવાસનું ટેસ્ટિંગ કરતાં તેમની ફેફસાંની ક્ષમતા સુધરી હોવાનું સામે આવ્યું હતું. અભ્યાસ દરમિયાન સાઇકોલોજિસ્ટોએ ફોન પર વીકમાં એક વાર કાઉન્સેલિંગ પણ કર્યુ હતું.