યુરિક એસિડ લેવલ વધવાનું મુખ્ય કારણ છે ભોજનમાં પ્યૂરિન નામના તત્વોથી ભરપૂર ખાદ્યપેય પદાર્થોથી બને છે. તેના વધવાથી તમને સાંધામાં ગંભીર દર્દ, સોજા અને જડતા જેવા લક્ષણોનો અનુભવ થાય છે. મેડિકલમાં યુરિક એસિડ માટે અનેક ઉપચાર અને દવાઓ મોજૂદ છે. પરંતુ તમે લીંબુની મદદથી પણ તેને ઘટાડી શકો છો.
sciencedirect પર પ્રકાશિત એક રિસર્ચમાં વૈજ્ઞાનિકોએ દાવો કર્યો છે કે, લીંબુથી અનેક સ્વાસ્થ્ય લાભો મળે છે, જેમાં કિડનીની પથરીના જોખમને દૂર કરવા અને યુરિક એસિડ લેવલને ઘટાડવું પણ સામેલ છે.
(તસવીરોઃ પિક્સાબે.કોમ, ફ્રિપિક.કોમ)
યુરિક એસિડ ઘટાડવા
સાઇટ્રસ એટલે કે, ખાટા ફળોનો રસ ગાઉટના લક્ષણોને દૂર કરવામાં મદદ કરી શકે છે અને લીંબુ તેનું સૌથી મોટું ઉદાહરણ છે. આગળ જાણો, રિસર્ચ અનુસાર, કેવી રીતે લીંબુનું સેવન કરવાથી યુરિક એસિડ અને કિડનીની પથરીનું જોખમ ટળી શકે છે.
યુરિક એસિડનું લેવલ કેટલું હોવું જોઇએ?
લોહમાં યુરિક એસિડનું લેવલ મહિલાઓમાં 6 mg/dL અને પુરૂષોમાં 6.8 mg/dLથી વધુ ના હોવું જોઇએ. આ લેવલ વધવું તે હાઇપરયુરિસીમિયાનો સંકેત છે. તેની નોર્મલ રેન્જ 3.5થી 7.2 mg/dLની વચ્ચે છે.
લીંબુ કરશે મદદ
અધ્યયનમાં વૈજ્ઞાનિકોએ નોંધ્યું કે, લીંબુના રસથી બ્લડમાં યુરિક એસિડ લેવલને ઘટાડવામાં મદદ મળે છે. યુરિક એસિડ પર લીંબુનો પ્રભાવ જાણવા માટે વૈજ્ઞાનિકોએ યુરિક એસિડવાળા ઉંદર અને મનુષ્યો પર અધ્યયન કર્યુ. જેમાં સાબિત થયું કે, લીંબુનો રસ આપવાથી ઉંદર અને મનુષ્યોના યુરિક એસિડનું લેવલ ઓછું થયું હતું.
6 અઠવાડિયા સુધી રિસર્ચ
આ રિસર્ચ દરમિયાન વૈજ્ઞાનિકોએ ઉંદર અને મનુષ્યોને 6 અઠવાડિયા સુધી દરરોજ 30ml તાજા લીંબુનો રસ આપ્યો. પરિણામોમાં સામે આવ્યું કે, લીંબુના રસથી મનુષ્યો અને ઉંદરોમાં સીરમ યુરિક એસિડનું સ્તર ખૂબ જ ઓછું થયું હતું.
યુરિક એસિડ બનતા અટકાવે છે
નિષ્ણાતો અનુસાર, શરીરમાં યુરિક એસિડ બનાવવા માટે જવાબદાર જેન્થિન ઓક્સિડેઝ (xanthine oxidase) નામના કમ્પાઉન્ડને અટકાવવામાં લીંબુ મદદ કરે છે. જો યુરિક એસિડ લેવલ વધારે હોય તો તમે લીંબુ રસ અથવા લીંબુ પાણી પી શકો છો. જો કે, આ પાણીમાં મીઠું કે ખાંડનો ઉપયોગ ના કરવો જોઇએ.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.