NCBI (National Institutes of Health) અનુસાર, શિંગોડાથી ડાયાબિટીસ, ડાયરિયા, નાકમાંથી લોહી વહેવું, ફ્રેક્ચર અને સોજા સંબંધિત સ્વાસ્થ્ય સમસ્યા માટે ઉપયોગમાં લેવામાં આવે છે. શિંગોડામાં વધારે માત્રામાં ફાઇબર અને ઓછી માત્રામાં કેલેરી અને ચરબી હોય છે. આ સિવાય તેમાં અનેક વિટામિન અને સ્વસ્થ એન્ટી-ઓક્સિડન્ટ્સ અને વિટામિન બી6 (Vitamin B6) ભરપૂર માત્રામાં રહેલું છે.
જાણીતા ન્યૂટ્રિશનિસ્ટ લવનીત બત્રા (Lovneet Batra, Award-winning Nutritionist)એ હાલમાં જ પોતાની ઇન્સ્ટાગ્રામ પોસ્ટમાં શિંગોડા ખાવાથી મળતા ફાયદાઓ વિશે જણાવ્યું છે. ન્યૂટ્રિશનિસ્ટ અનુસાર, શિંગોડા સ્વાસ્થ્ય માટે અનેક પ્રકારે ફાયદાકારક છે. અહીં જાણો, શિંગોડા ખાવાથી હૃદયરોગ સહિત કઇ બીમારીઓમાં મળશે રાહત.
(તસવીરોઃ પિક્સાબે.કોમ, ફ્રિપિક.કોમ)
હેલ્ધી હાર્ટ માટે શિંગોડાનું સેવન
ન્યૂટ્રિશનિસ્ટ અનુસાર, પોટેશિયમવાળા આહારથી હાઇ બ્લડપ્રેશર અને સ્ટ્રોક જેવા હૃદય માટે જોખમી વિકારોને ઘટાડી શકાય છે. શિંગોડા પોટેશિયમનો મુખ્ય સ્ત્રોત છે અને તેના સેવનથી બ્લડપ્રેશરના કારણ તણાવગ્રસ્ત થયેલી લોહીની નળીઓને આરામ મળે છે. આનાથી હૃદયરોગના જોખમો ઘટે છે.
એક્સપર્ટ પાસેથી જાણો શિંગોડા કેમ છે સ્વાસ્થ્ય માટે જરૂરી!
ટ્યૂમરના વિકાસને મંદ કરે છે
શિંગોડામાં રહેલા એન્ટી-ઓક્સિડન્ટ્સ અને એન્ટી-કેન્સરના ગુણ કેન્સરની કોશિકાઓના વિકાસને મંદ કરવામાં અથવા તેને ઘટાડવામાં મદદરૂપ થાય છે.
સોજાથી લડે છે
શિંગોડામાં ફિસેટિન, ડાયોસ્મેટિન, લ્યૂટોલિન અને ટેક્ટોરિજિનિન સહિત એન્ટી ઓક્સિડન્ટ્સના ગુણો રહેલા છે. જે ક્ષતિગ્રસ્ત કોશિકાઓની કામગીરી, સમારકામ અને પુનઃસ્થાપિત ઉપરાંત સોજાને ઘટાડવામાં મદદ કરે છે.
વજન ઘટાડવામાં મદદરૂપ
હાઇ માત્રાવાળા ભોજન તરીકે ગણાતા શિંગોડાને તમારાં ડાયટમાં કેલેરી તરીકે સામેલ કરવાથી વારંવાર ભૂખ મટાડવાનું કામ કરે છે, જેનાથી તમારાં વજનને કંટ્રોલમાં રાખવામાં પણ મદદ મળે છે.
વાળ માટે ફાયદાકારક
શિંગોડાનું સેવન તમારાં વાળને હેલ્ધી બનાવવાનું કામ કરે છે. તેમાં પોટેશિયમ, ઝીંક, વિટામિન બી અને વિટામિન ઇ જેવા મહત્વપૂર્ણ પોષક તત્વો હોય છે. જે વાળને ડેમેજ થતાં અને ખરતાં અટકાવે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધારે માહિતી માટે તમારાં ડોક્ટરનો સંપર્ક કરો.