COVID-19: રોગપ્રતિકારક શક્તિ મજબૂત કરવા માત્ર હેલ્ધી ખોરાક નહીં આ બાબત પણ જરૂરી

કોરોના વાયરસનો કહેર દુનિયાભરમાં યથાવત્ છે. આખી દુનિયા આ જીવલેણ વાયરસ સામે લડી રહી છે. આ વાયરસથી બચવા માટે હજુ સુધી રસી શોધાઈ નથી એવામાં હાલ તો સુરક્ષિત રહેવા માટે રોગપ્રતિકારક શક્તિ મજબૂત હોય તે ખૂબ જરૂરી છે. રોગપ્રતિકારક શક્તિ મજબૂત કરવા માટે હેલ્ધી ખોરાક ઉપરાંત પૂરતી ઊંઘ પણ જરૂરી છે. હાલમાં જ થયેલા એક રિસર્ચમાં આ વાત સામે આવી છે. જર્મનીની યુનિવર્સિટી ઓફ Tubingenના રિસર્ચ પ્રમાણે, સારી ઊંઘ અને રોગપ્રતિકારક શક્તિ વચ્ચે સંબંધ છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોખૂબ ઊંઘવાથી તમે બીમાર નહીં પડો એવું નથી પરંતુ ઓછી ઊંઘ લેવાથી રોગપ્રતિકારક શક્તિ પર વિપરીત અસર પડી શકે છે. આપણે ઊંઘતા હોઈએ ત્યારે સ્ટ્રેસ હોર્મોન્સમાં ઘટાડો થાય છે. જો આ હોર્મોન્સ વધી જાય તો T સેલ તરીકે ઓળખાતા ઈમ્યૂન સેલની કાર્યક્ષમતા ઘટી જાય છે. જેથી વાયરસ કે બેક્ટેરિયા સામે લડવાની ક્ષમતા ઘટી જાય છે. પૂરતી ઊંઘના મળે તો શરીરમાં સાઈટોકાઈન (Cytokines)નું ઓછું ઉત્પાદન થાય છે. સાઈટોકાઈન એક પ્રકારનું પ્રોટીન છે જે ઈન્ફેક્શન સામે અસરકારક રીતે લડવા માટે રોગપ્રતિરાક શક્તિને મજબૂત બનાવે છે.વાંચો, લોકડાઉનમાં ઉદાસીને મન-મગજ પર હાવી ના થવા દો, માનસિક સ્વાસ્થ્ય માટે આટલું કરોશરદી-ખાંસીની સીઝન હોય કે કોરોના વાયરસ સામે જંગ જીતવી હોય આઠથી નવ કલાકની ઊંઘ ખૂબ જરૂરી છે. પૂરતી ઊંઘ લેવાથી તમારી રોગપ્રતિકારક શક્તિ બરાબર કામ કરશે. દિવસ દરમિયાન એકાદ ઝોકું ખાવાથી પણ ફાયદો થાય છે. સામાન્ય દિવસોમાં ઓફિસ કે ઘરના કામકાજમાં ઝોકું ખાવાનો સમય ના મળે. પણ હાલ લોકડાઉન છે ત્યારે ઘરની બહાર પગ મૂકવાનો હોતો નથી. ત્યારે સવારે અને બપોરે 30-30 મિનિટનું ઝોકું ખાવાથી સ્ટ્રેસ ઘટી શકે છે. કોરોના જ નહીં તમને સીઝનલ ફ્લૂ થયો હોય તો પણ પૂરતી ઊંઘ લેશો તો તમારું શરીર તેનો બરાબર પ્રતિકારક કરી શકશે. એટલે આ સમયગાળામાં સ્વસ્થ રહેવું હોય તો તમામ ચિંતા છોડીને પૂરતી ઊંઘ લેવાનું શરૂ કરી દો.વાંચો, કોરોના સામે લડવા ખાઓ આ ફળો અને શાકભાજી, વધશે શરીરની રોગપ્રતિકારક શક્તિસારી ઊંઘ આવે તેના માટે આટલું ચોક્કસ કરો– રાત્રે ઊંઘવાનો અને સવારે ઉઠવાનો સમય નક્કી રાખો. આપણા શરીરમાં સ્લીપ ક્લોક હોય છે અને અનિંદ્રાની સમસ્યા દૂર કરવા તેને નિયત કરવી જરૂરી છે.– સ્ક્રીન ટાઈમ ઘટાડો. મતલબ કે ઊંઘવાના અમુક કલાકો પહેલાથી મોબાઈલ, લેપટોપથી અંતર જાળવો.– ઊંઘતા પહેલા શરીર રિલેક્સ થાય એવી પ્રવૃત્તિ કરો. યોગ, ઊંડા શ્વાસ લેવા અથવા તો શાંત સંગીત સાંભળો.– કેફિન ઊંઘમાં ખલેલ પહોંચાડે છે. ઊંઘવાના 4-6 કલાક પહેલા ચા, કોફી, ચોકલેટ વગેરે જેવી કેફિનયુક્ત વસ્તુઓ ખાવાપીવાનું ટાળો.– દિવસ દરમિયાન થોડી કસરત કરો ઉપરાંત થોડીવાર સૂર્યપ્રકાશમાં રહેવાથી ફાયદો થશે. વાયરસ સામે લડવા માટે આ રીતે બનાવો ઈમ્યૂનિટી બૂસ્ટર ડ્રિંક, ભૂખ્યા પેટે પીવાથી થશે લાભ