સવારે વહેલા ઉઠાતું નથી? તો અહીં એવી ટિપ્સ જણાવીશું જે સવારે તમારી ઊંઘ ઉડાવવવામાં મદદ કરશે અને સ્ફૂર્તિ આપશે.
I am Gujarat26 Feb 2018, 11:03 pm
રાતે જલદી સૂવું અને સવારે જલદી ઊઠવું સ્વાસ્થ્ય માટે ફાયદાકારક રહે છે, આવું દાદા-દાદી, નાના-નાનીના મોંઢે સાંભળ્યું હશે અને આજકાલ ડોક્ટર્સ પણ આવી સલાહ આપતાં હોય છે. જોકે સવારે ઊંઘમાંથી બહાર નીકળવું મુશ્કેલ થઈ પડે છે. આજે અમે તમને એવી ટિપ્સ આપીશું, જે સવારે જલદી ઊઠવામાં તમારી મદદ કરી શકે છે. જાણીએ…
સમયસર સૂઈ જાવ
સવારે જલદી ઊઠવાની ઇચ્છા હોય તો જરૂરી પર્યાપ્ત ઊંઘનો સમય પૂરો કરવો પણ આપણા માટે જરૂરી છે. તે માટે વહેલું સૂવું અનિવાર્ય છે. તે માટે તમે સૂવાના એક કલાક પહેલાં ફોનને સ્વિચ ઑફ કરી દો અથવા તો તેનો ઉપયોગ બંધ કરીને સૂવાનો પ્રયાસ કરો.
રૂમમાં ઉજાશ આવવા દો
જો તમારા રૂમમાં પડદા હોય તો સવારે ઊઠતાં જ સૌપ્રથમ તેને હટાવી દો અને રૂમમાં ઉજાશ આવવા દો. વધુ પડતા અંધારામાં સૂવું યોગ્ય નથી. સવારના સમયે રૂમમાં થોડો ઉજાશ હોવો જરૂરી છે.
ઘડિયાળ દૂર રાખો
ઘણા લોકો સવારે ઊઠવા માટે અલાર્મ ક્લોકનો ઉપયોગ કરે છે અને મોટા ભાગના લોકોને અલાર્મ બંધ કરી ફરી સૂઈ જવાની ટેવ હોય છે. તે માટે એક કામ એ કરી શકો કે, પોતાની સૂવાની જગ્યાથી થોડે દૂર અલાર્મ ઘડિયાળ રાખો, જેથી સવારે અલાર્મ વાગતાં તે બંધ કરવા ઊભા થઈને જવું પડે. તેનાથી તમારી ઊંઘ ખૂલી જશે.
નિશ્ચિત સમયે રોજ ઊઠો
દરરોજ સવારે ઊઠવા માટે એક સમય નિર્ધારિત કરી લો. રોજ આ સમયે ઊઠ્યા બાદ તમારા શરીરને થોડાક જ દિવસોમાં તેની આદત પડી જશે. તે માટે સૂવાનો એક ચોક્કસ સમય નિશ્ચિત કરો.
ઊઠ્યા પછી કરો આ કામ
સૂઈને ઊઠ્યા બાદ પહેલાં એક ગ્લાસ પાણી પીવો. ત્યાર બાદ ધ્યાન એટલે કે મેડિટેશન કરો. તમે બહાર ચાલવા પણ જઈ શકો છો. તેનાથી ઊંઘ સંપૂર્ણપણે ખૂલી જશે. સવારે વ્યાયામ કરવો સ્વાસ્થ્ય માટે સારો છે અને તમારી ઊંઘ ઉડાવવામાં મદદગાર છે. વ્યાયામ બાદ એક કપ કૉફી કે ચા પીવો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.