ગર્લ્સના પહેલીવાર પિરિયડ્સ સાથે જોડાયેલા છે આવા વિચિત્ર રિવાજો

I am Gujarat

દેશ-વિદેશોના ગર્લ્સ પિરિયડ્સ અંગે વિચિત્ર રિવાજો

કોઇપણ ગર્લ માટે પહેલીવાર પિરિયડ્સમાં આવવું સહેલું નથી હોતું. પરંતુ કેટલાક દેશોના તો રિવાજો પણ એવા વિચિત્ર છે કે તે જાણીને ગર્લને પહેલીવાર પિરિયડ્સથી ખૂબ જ ડર લાગે છે. વિશ્વના જુદા જુદા દેશમાં આ પરંપરાઓ આજે પણ પાળવામાં આવે છે.

પહેલીવાર પિરિયડ્સઃ તુર્કીમાં પડે છે તમાચા

તુર્કીમાં ગર્લ્સને પહેલીવાર પિરિયડ્સ થવા પર આ અંગે જાહેરાત કરવામાં ખૂબ જ સાવધાન રહેવું પડે છે. કેમ કે તે જ્યારે પણ પોતાના પરિવારને આ અંગે જણાવે છે ત્યારે તેના ગાલ પર જોરદાર તમાચા મારી લાલ કરવામાં આવે છે. લોકો માને છે કે હવે આગળની લાઇફમાં તેને શરમ અને લજ્જાની ખબર પડે.

ઈંડુ ખાવ અને તે પણ આખુ ગળી જવાનું!

હા, તમે બિલકુલ સાચુ સાંભળ્યું. બ્રાઝિલમાં પહેલીવાર પિરિયડ્સ થતા ગર્લને ઈંડુ ગળવું પડે છે અને તે પણ આખુ. જો ઈંડુ તૂટી જાય તો એવું માનવામાં આવે છે કે ગર્લ પોતાના બાળકોને મારી નાખશે અથવા પ્રેગ્નેન્સી દરમિયાન બાળક મરી જશે.

કેળના ઝાડ સાથે લગ્ન કરવા પડે છે

ભારતના આસામમાં આજે પણ પહેલા પિરિયડ્સ વખતે ગર્લને નિશ્ચિત દિવસ માટે એકાંતમાં રહેવું પડે છે. તેને ક્યાંય સ્પર્શ કરવાની રજા નથી હોતી કે કોઈ તેનો સ્પર્શ કરતું નથી. આ દિવસો પૂર્ણ થયા બાદ ફેમેલી ‘તુલોની બિયા’ નામનો ઉત્સવ મનાવે છે. જેમાં કેળના ઝાડ સાથે ગર્લના લગ્ન કરી દેવામાં આવે છે.

ખીલ માટેની બેસ્ટ દવા!

આ શબ્દો સાંભળીને ચોક્કસ દરેક વ્યક્તિને ગમે પરંતુ આ ફિલિપિન્સની આ પરંપરા અંગે વધુ જાણીને તમે નાકનું ટેરવું ચડાવશો. જી હાં, અહીં ગર્લ પહેલીવાર પિરિયડ્સમાં આવે એટલે તેના પહેલા રજોસ્ત્રાવનું બ્લડ લઈ તેને પોતાના ચહેરા પર લેપ કરવાનો હોય છે. લોકોનું માનવું છે કે તેનાથી ત્વચા સારી થાય છે અને ખીલ થતા નથી.

ઈઝરાઇલી ગર્લ માટે પહેલા પિરિયડ્સ સૌથી સ્વિટ

ઈઝરાયેલમાં ગર્લ માટે પહેલો પિરિયડ્સ યાદગાર બની રહે છે કેમ કે આ તકે તેમને બધા જ લોકો સ્ત્રી બનવા પર અભિનંદન આપીને મધ ખવડાવે છે. અહીં લોકોનું માનવું છે કે મધ ખાવાથી ભવિષ્યમાં પિરિયડ્સ ખૂબ સાહજીકતાથી આવશે અને ગર્લ મુશ્કેલીમાં નહીં મુકાય. ખૂબ સારી પ્રથા છે નહીં?