કરિના સાડીમાં પોતાની નેચરલ બ્યૂટીથી ફેન્સને ઘાયલ કરી દે છે, તો શોર્ટ્સમાં સ્ટાઇલિશ અપિયરન્સથી ઇન્ટરનેટ પર વાઇરલ પણ થઇ જાય છે. જો કે, આ વખતે તેણે જે તસવીરો શૅર કરી છે તે જોતાં લાગે છે કે, આટલો સ્ટાઇલિશ લૂક તો માત્ર કરિના કપૂર જ કરી શકે છે. 40+ આ એક્ટ્રેસે આગામી સેલિબ્રિટી ટોક શો કોફી વિથ કરણ સિઝન-7 માટે પોતાના લૂકમાં એવા એક્સપિરિમેન્ટ્સ કર્યા છે જેની આગળ યંગ ગર્લ્સની ફેશન પણ પાછળ રહી જાય છે.
(Images: Instagram/ @kareenakapoorkhan)
બ્લેક આઉટફિટમાં કરિનાનો લૂક
કરિના કપૂરે પોતાના ઇન્સ્ટાગ્રામ હેન્ડલ પર કેટલીક તસવીરો શૅર કરી છે, જેમાં તેણે ગ્લેમરસ પોઝ આપ્યા છે. આ તસવીરો એ વાત તરફ ઇશારો કરી રહી છે કે, તે ટૂંક સમયમાં જ તેના બેસ્ટ ફ્રેન્ડ એટલે કે, કરણ જોહરના સેલિબ્રિટી ટો શો કોફી વિથ કરણ (Koffee With Karan 7)માં જોવા મળશે. આ શો માટે કરિનાનો લૂક સોબર હોવા છતાં બોલ્ડનેસની તમામ હદ પાર કરી રહ્યો છે.
પેન્ટ-સૂટ અને બ્રાલેટ ટોપ
કરણના શો માટે કરિનાએ ટોપ-ટૂ-બોટમ બ્લેક આઉટફિટ પહેર્યા છે. બેબોએ આ માટે થ્રી પીસ સેપરેટ્સ વિઅર પહેર્યા છે, જેમાં પેન્ટ-સૂટની સાથે મેચિંગ બ્રાલેટ ટોપ એડ કરવામાં આવ્યું છે. આ આઉટફિટને અમેરિકન ફેશન ડિઝાઇનર Tom Fordના કલેક્શનમાંથી પિક કરવામાં આવ્યો છે. બેબોએ આ સેટમાં થાઇ પોર્શન લેન્થ સુધીનું બ્લેઝર પહેર્યુ હતું, જે લૂઝ પેટર્નના બદલે બોડી ફિટ હતું. આ સાથે તેણે સ્ટ્રેટ કટ પેન્ટના બદલે આજકાલ ટ્રેન્ડમાં ચાલી રહેલું ફ્લેયર્ડ પેન્ટ પસંદ કર્યુ હતું.
બ્રાલેટ ટોપે વધાર્યું ગ્લેમર
પોતાના સ્ટાઇલિશ લૂકમાં બોલ્ડનેસ એડ કરવા માટે કરિનાએ બ્લેક કલરની બ્રાલેટ પહેરી હતી, જેની નેકલાઇનને ડીપ કટ લૂક આપવામાં આવ્યો હતો. બ્રાલેટ ટોપને નાજૂક લેસથી તૈયાર કરવામાં આવી હતી, જેમાં ટિઝીંગ ઇફેક્ટ માટે કી-હોલ પેટર્નથી સ્ટાઇલિશ લૂક આપવામાં આવી હતી.
લૂકને આવી રીતે કર્યો સ્ટાઇલ
બોલ્ડ નેકલાઇન બ્રાલેટ અને બ્લેક કલર આ આઉટફિટને સ્માર્ટ રેડી બનાવી રહ્યો હતો. આ સિવાય બેબોએ પોતાના લૂકને કમ્પલિટ કરવા માટે બ્લેક કલરની ઓપન ટૉ-હીલ્સ પહેરી હતી, જે તેની લંબાઇને સરસ રીતે હાઇલાઇટ કરી રહી હતી. કરિના કપૂરે વાળને વેવી લૂકમાં સ્ટાઇલ કરતા ખુલ્લા છોડ્યા હતા અને મેકઅપને ન્યૂડ ટોન રાખીને ગ્લોસી ટચ આપ્યો હતો.
બિંદી અને સૂટમાં કરિના કપૂર ખાન