બેબી બમ્પ સાથે શૂટિંગ કરનારી એક્ટ્રેસીસ

કરીના કપૂર ખાન ઓગસ્ટમાં તેની ફિલ્મ ‘વીરે દી વેડિંગ’ માટે વર્ક શરૂ કરશે. એટલે ચોક્કસ જ તે બિગ સ્ક્રીન પર તેનો બેબી બમ્પ શોકેસ કરશે. આ ફિલ્મમાં કરીનાના કૅરૅક્ટરની મેરેજ અને મધરહુડ દ્વારા ઇમોશનલ જર્ની રજૂ કરવામાં આવી છે. જોકે, પ્રેગ્નન્સી દરમિયાન શૂટિંગ કરનારી તે એકલી એક્ટ્રેસ નથી. અહીં આવી જ બીજી કેટલીક એક્ટ્રેસીસ પર એક નજર કરીએ.

કાજોલ કાજોલ 2010માં આવેલી તેની ફેમિલી ડ્રામા ફિલ્મ ‘વી આર ફેમિલી’ માટે શૂટિંગ કરતી હતી ત્યારે તે પ્રેગ્નન્ટ હતી. ફિલ્મમાં ત્રણ બાળકોની મધરનો રોલ પ્લે કરતી આ એક્ટ્રેસે આવી સિચ્યૂએશનમાં પણ શૂટિંગ ચાલુ રાખ્યું હતું અને સાથોસાથ પ્રમોશનલ ઇવેન્ટ્સમાં પણ તે જોડાઈ હતી. તેના હસબન્ડ અજય દેવગને તેને નવા ફિલ્મ પ્રોજેક્ટ્સ માટે હા ન પાડવા કહ્યું હતું, પરંતુ આ એક્ટ્રેસ તેની ડિલિવરી સુધી કામ કરતી રહી હતી.

હેલ બેરી આ હોલિવૂડ સ્ટાર તેના પહેલાં બાળકને લઈને ત્રણ મહિનાની પ્રેગ્નન્ટ હતી ત્યારે તેણે ‘એક્સ-મેન: ડેઝ ઓફ ફ્યુચર પાસ્ટ’ માટે શૂટિંગ કર્યું હતું. તેનો બેબી બમ્પ દેખાય એ પહેલાં પ્રોડ્યુસર્સ અને ફિલ્મમેકર્સે તેના સીન્સનું શૂટિંગ ઝડપથી પૂરું કર્યું હતું.

જયા બચ્ચન આઇકોનિક કલ્ટ ફિલ્મ ‘શોલે’ માટે કામ કરતી વખતે જયા બચ્ચન તેમના પહેલાં બાળકને લઈને પ્રેગ્નન્ટ હતા. અમિતાભ બચ્ચને એમ પણ કહ્યું હતું કે, તેઓ એવા સીન્સ સૂચવી શકે છે કે જેના માટે કામ કરતી વખતે જયા પ્રેગ્નન્ટ હતાં. તેમણે વ્હાઇટ સાડીમાં તેમનો બેબી બમ્પ છુપાવ્યો હતો.

શ્રીદેવી ‘જુદાઈ’ માટે શૂટિંગ કરતી વખતે શ્રીદેવીએ પોતાની પ્રેગ્નન્સીની જાહેરાત કરતાં બોલિવૂડ ફિલ્મ ઇન્ડસ્ટ્રીમાં બધા આશ્ચર્યચકિત થઈ ગયા હતા. આ ફિલ્મને બોની કપૂર દ્વારા પ્રોડ્યુસ કરવામાં આવી હતી. એક્ટ્રેસે ફિલ્મ્સમાંથી બ્રેક લેતા પહેલાં ફિલ્મમાં તેના ભાગનું શૂટિંગ કમ્પ્લીટ કર્યું હતું. આખરે 15 વર્ષ બાદ તેણે ગૌરી શિંદેની ફિલ્મ ‘ઇંગ્લિશ વિંગ્લિશ’થી બોલિવૂડમાં કમબેક કર્યું હતું.

પેનેલોપ ક્રૂઝ પેનેલોપ ક્રૂઝે ‘પાઇરેટ્સ ઓફ ધ કેરેબિયન: ઓન સ્ટ્રેન્જર ટાઇડ્સ’ માટે શૂટિંગ શરૂ કર્યું હતું ત્યારે તેને બે મહિનાનો ગર્ભ ચાલી રહ્યો હતો. આ એક્ટ્રેસે પાઇરેટનો રોલ પ્લે કર્યો હતો. તેણે તલવારબાજી સહિત કેટલાક એક્શન સીન્સ પણ કરવા પડ્યા હતા. સેટ પર બોડી ડબલ હોવા છતાં આ એક્ટ્રેસે તેની તમામ એક્શન સીકવન્સીસનું જાતે જ શૂટિંગ કર્યું હતું.