(તસવીરોઃ Instagram/@imouniroy)
પ્રિન્ટેડ સાડીમાં જોવા મળી મૌની
મૌની રોયની ફેશન હંમેશા ઓન પોઇન્ટ રહે છે. તેણે પોતાના ઇન્સ્ટાગ્રામ પર બીજ અને બ્રાઉડ શેડવાળી પ્રિન્ટેડ સાડીમાં સુંદર તસવીરો શૅર કરી છે, જે તેણે ડિઝાઇનર ફેશન હાઉસ જેજે વલાયા (@jjvalaya)થી પીક કરી છે. આ રેશમી સાડીના કિનાર પર બ્લેક એન્ડ વ્હાઇટ પટ્ટી બોર્ડર આપવામાં આવી છે, જે લૂકમાં સ્ટાઇલ એડ કરવાનું કામ કરે છે.
ફૂલ સ્લિવ્સ સાથે બ્લાઉઝ
મૌનીએ આ સાડીને કમર પર બ્રાઉન કલરની બેલ્ટથી પરફેક્ટ લૂક આપ્યો હતો. તેણે સાડીને લૉ-વેસ્ટ બાંધી હતી, જેમાં તેની શેપ્ડ કમર શો-ઓફ થતી હતી. એક્ટ્રેસે સાડીની સાથે ફૂલ સ્લિવ્સ બ્લેક કલરનો ફિટેડ બ્લાઉઝ કૅરી કર્યો હતો, જે સાડીને સંપુર્ણ રીતે કોમ્પલિમેન્ટ કરતાં તેના લૂકમાં ચાર ચાંદ લગાવતો હતો.
લૂકને આમ કર્યો કમ્પલિટ
મૌનીએ આ ગોર્જિયસ લૂકને કમ્પલિટ કરવા માટે ઓક્સિડાઇઝ્ડ નેક ચોકર, બ્રેસલેટ, માંગટીકા અને રિંગ્સ પહેરી હતી. વળી, મેકઅપમાં ન્યૂડ આઇશેડો, બ્લેક આઇલાઇનર, ડાર્ક આઇઝ, મસ્કાર, ડિફાઇન્ડ આઇબ્રોઝ, ક્યોન્ટોર ચીક્સ અને સોફ્ટ પિંક લિપ્સની સાથે વાળને ખૂલ્લા રાખ્યા હતા.
બેકલેસ ડ્રેસમાં પતિ સાથે રોમેન્ટિક અંદાજમાં
આ પહેલાં મૌનીએ પતિ સાથે કેટલીક રોમેન્ટિક તસવીરો શૅર કરી હતી, જેમાં તેણે ગ્રીન કલરનો મિડી ડ્રેસ પહેર્યો હતો. હોલ્ટર નેકલાઇનવાળો આ ડ્રેસ બોડી ફિટેડ પેટર્નમાં હતો, જે તેના કર્વ્સને પરફેક્ટ ફિટિંગ આપતો હતો. આ ડ્રેસ પાછળથી બેકલેસ હતો, જે તેના લૂકમાં હોટનેસ એડ કરે છે.