હાલમાં જ આલિયાએ તેના લેટેસ્ટ ફોટોશૂટમાં એ વાત પણ સાબિત કરી દીધી કે, પ્રેગ્નન્સી દરમિયાન પણ તે તેની ફેશન અને સ્ટાઇલ મુદ્દે કોઇ કોમ્પ્રોમાઇઝ કરવા તૈયાર નથી. તેની અપકમિંગ ફિલ્મ બ્રહ્માસ્ત્ર (Brahmastra)ની પ્રમોશનલ ઇવેન્ટ હોય કે પછી ફોટોશૂટ આલિયા તેના બેબી બમ્પને સહજતા અને સ્ટાઇલથી શો-ઓફ કરે છે. આ જ વાતની સાબિતી તેના લેટેસ્ટ શૂટમાં પણ મળે છે, જેમાં તેના લૂકના વખાણ આલિયાના પરિવારજનો પણ કરી રહ્યા છે.
(Images: Instagram/ @aliaabhatt)
આલિયાએ પહેર્યો બેગી ડ્રેસ
આલિયા હાલમાં તેની અપકમિંગ ફિલ્મ બ્રહ્માસ્ત્રના પ્રમોશનમાં વ્યસ્ત છે, તે અવાર-નવાર પતિ રણબીર કપૂર સાથે જોવા મળે છે. હાલમાં જ તે એકદમ કમ્ફર્ટેબલ સૂટ પહેરીને રણબીર સાથે જોવા મળી હતી. જો કે, આ બંનેને અલગ અલગ કારમાં સ્પોટ કરવામાં આવ્યા હતા. પાંચ મહિનાની ગર્ભવતી આલિયાએ આ વખતે એવા કપડાંની પસંદગી કરી હતી જેમાં તેનો બેબી બમ્પ સરળતાથી છૂપાવી શકતી હતી.
ઓવર સાઇઝ્ડ ટીશર્ટ
આલિયા પોતાના દરેક પ્રેગ્નન્સી આઉટફિટ્સથી ફેન્સને ઇમ્પ્રેસ કરી રહી છે. આ વખતે પણ પોતાની મેટરનિટી ફેશન ફોટોશૂટમાં લાઇમલાઇટ પોતાના નામે કરી હતી. એક્ટ્રેસે પ્રિન્ટેડ ટીશર્ટ પહેરી હતી, જેને ક્લોથિંગ લેબલ Huemnમાંથી પિક કરવામાં આવી હતી. આ ઓવરસાઇઝ્ડ ટીશર્ટ પર ફેસ પ્રિન્ટ્સથી સાથે વર્ડ્સ પણ જોવા મળી રહ્યા છે. આ મલ્ટીકલર ટીશર્ટમાં એક્ટ્રેસ એકદમ રિલેક્સ્ડ લાગી રહી હતી.
યલો શોર્ટ્સમાં જોવા મળી
આલિયાએ આ કૂલ ટીશર્ટની સાથે યલો કલરના શોર્ટ્સ પહેર્યા હતા, જે ટીશર્ટની સાથે એકદમ પરફેક્ટ લાગી રહ્યા છે. વળી, લૂકને કમ્પલિટ કરવા માટે તેણે આઇસબ્લૂ કલરના હિલ્સ પહેર્યા હતા.
આટલી હતી કિંમત
એક્ટ્રેસે પોતાના લૂકને કમ્પલિટ કરવા માટે ડ્યૂઇ ફાઉન્ડેશન, બીમિંગ હાઇલાઇટર, ન્યૂડ પિંક લિપ્સ, બ્લશ, મસ્કારાની સાથે વાળને વેવી સ્ટાઇલમાં ખુલ્લા રાખ્યા હતા. આ ટીશર્ટની કિંમત ઓફિશિયલ વેબસાઇટ પર 4,100 રૂપિયા છે.