7 જુલાઈ 1981નાં રોજ જન્મેલા મહેન્દ્રસિંહ ધોની આજે 36 વર્ષનો થઈ ચૂક્યો છે. વર્ષ 2004માં કરિયરની શરુઆત કરનાર આ ખેલાડી ભારતનો સફળતમ કેપ્ટન છે. ધોની એવો કેપ્ટન છે જેની કેપ્ટનશીપ હેઠળ ભારતીય ટીમે ક્રિકેટનાં તમામ બહુમાન સફળતાપૂર્વક હાંસલ કર્યા છે.
2007 T-20 વર્લ્ડ કપ
2007નાં વર્લ્ડકપમાં પરાજય બાદ ભારતીય ટીમની કમાન ધોનીને સોંપવામાં આવી. સાઉથ આફ્રિકામાં યોજાયેલાં પ્રથમ T-20 વર્લ્ડકપમાં ધોનીએ પોતાની નીડર નિર્ણયશક્તિને કારણે ઘણાં દિગ્ગજોને આશ્ચર્યચકિત કરી દીધા હતા. તેમજ ભારતને T-20 વર્લ્ડકપમાં શાનદાર વિજય અપાવી હતી.
2008 CB સીરિઝ
ઑસ્ટ્રેલિયાનાં પ્રવાસ વખતે ટેસ્ટ સીરિઝ ગુમાવ્યાં બાદ, ત્રિકોણીય વનડે સિરીઝમાં ભારતીય ટીમે શ્રીલંકા અને ઑસ્ટ્રેલિયાને હરાવી ઑસ્ટ્રેલિયાનો વિજયરથ રોકી દીધો હતો. તેની સાથે વર્લ્ડ ક્રિકેટ પર ઑસ્ટ્રેલિયાનાં શાસન અંત આવ્યો તેવું મનાય છે. નોંઘનીય છે કે આ સીરિઝમાં સચીન તેંડુલકરે ભારતને વિજય અપાવવામાં મહત્વની ભુમિકા ભજવી હતી.
2011 વનડે વર્લ્ડકપ
2011નો વર્લ્ડકપ વિજય ટીમ એફર્ટ હતો. તેમ છતાં ભારતનાં કેપ્ટન તરીકે જે રીતે ધોનીએ 2011નાં વર્લ્ડકપમાં નેતૃત્વ કર્યુ હતું તેનાં કારણે તેમજ તેની આક્રમક રણનિતિ અને મક્કમ નિર્ણયશક્તિનાં લોકો ફેન થઈ ગયાં હતા. આજે પણ 2011નાં વર્લ્ડકપ વિજયને ધોનીનાં વિનીંગ સિક્સર સિવાય ઇમેજિન કરી શકાતું નથી.
2013 ચેમ્પિન્સ ટ્રૉફી
ભારતીય ટીમ આ સમયે અનુભવહીન પરંતુ ટ્રૉફીની પ્રબળ દાવેદાર મનાતી હતી. ટીમમાં ધોની એકમાત્ર અનુભવી પ્લેયર તરીકે હતો. આવી વિપરીત પરિસ્થિતિ તેમજ વિદેશી ધરતી પર રમવાનાં ડિસએડવાન્ટેજ છતાં ધોનીની આગેવાનીમાં ટીમ ઈન્ડિયાએ એક મેચ ગુમાવ્યાં વિના આ ટ્રૉફી હાંસલ કરી લીધી હતી.
2016 એશિયા કપ
2016માં પહેલીવાર એવું બન્યું કે એશિયા કપ T-20 ફોર્મેટમાં રમાઈ રહ્યું હતુ. આ ટૂર્નામેન્ટમાં ભારતીય ટીમે શાનદાર પર્ફોર્મન્સ કરી અને ટ્રૉફી પોતાને નામે કરવામાં સફળતા મેળવી.
2009માં ટેસ્ટ રેંકિંગમાં નં.-1
ભારતીય ટીમ ટેસ્ટ ક્રિકેટ ઈતિહાસમાં પ્રથમવાર આઈ.સી.સીની ટેસ્ટ રેંકિંગમાં પ્રથમ પદ હાંસલ કરી શકી હતી. 2009માં શ્રીલંકાને મુંબઈ ટેસ્ટમાં હરાવ્યાં બાદ આ સિદ્ધિ હાંસલ કરી હતી.
આઈપીએલમાં પણ સફળ
આઈપીએલ ટૂર્નામેન્ટમાં ધોનીની કેપ્ટનશીપ હેઠળ ચેન્નઈ સુપરકિંગ્સ 2 વખત આઈપીએલ ટ્રૉફી જીતવામાં સફળ રહી હતી. તે સિવાય ચેમ્પિયન્સ લીગ ટૂર્નામેન્ટમાં પણ 1 વખત જીત મેળવી છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.