જો તમે પણ બીચ આઉટફિટ્સ આઇડિયા શોધી રહ્યા છો, જેને તમે સરળતાથી કૅરી કરી શકો તો અહીં સેલિબ્રિટીઝ પાસેથી ટિપ્સ લઇ શકો છો. આ આઉટફિટ્સ તમારાં વેકેશનને શાનદાર બનાવી દેશે ઉપરાંત હોલિડે વાઇબ્સ ફિલ આપવામાં પણ સફળ રહેશે.
(Cover Image: Instagram/ @katrinakaif @sharvari)
દિવ્યાંકાની સ્ટાઇલ આવશે પસંદ
આ એક્ટ્રેસ હંમેશાથી એવા કપડાં પહેરવાનું પસંદ કરે છે, જે વધારે બોલ્ડ નહીં હોવા છતાં સ્ટાઇલિશ દેખાવામાં કસર નથી છોડતા. આ તસવીરોમાં તમે જોઇ શકો છો કે, દિવ્યાંકા ત્રિપાઠીએ લેવેન્ડર શેડનો કફ્તાન ડ્રેસ પહેર્યો છે, જેના વેસ્ટ પર ડ્રોસ્ટ્રિંગ ડિટેલ હતી, જે સ્ટ્રેચેબલ પેટર્નની કારણે દરેક સાઇઝની મહિલાને ફિટ આવી શકે છે. આ સિવાય આ પ્રકારના આઉટફિટ્સ ખૂબ જ કમ્ફર્ટેબલ હોય છે, જે તમને લાઇટ ફિલ આપવાની સાથે સાથે સ્ટાઇલિશ પણ દેખાડશે.
(Image: Instagram/ @divyankatripathidahiya)
ફિગર શો કરવાની સાથે આપે છે કમ્ફર્ટ
શરવરી વાઘના લેટેસ્ટ લૂક પર નજર કરશો તો તેણે ક્રોપ ટોપની સાથે ફ્લૉરલ પ્રિન્ટવાળું સ્લિટ સ્કર્ટ પહેર્યુ છે. જો તમે તમારાં ફિગરને ફ્લૉન્ટ કરવા ઇચ્છો છો તો આ પ્રકારના ટોપની સાથે લૂઝ ફિટિંગ સ્કર્ટ પહેરી શકો છો. જેમાં તમે તમારાં લેગ્સ શૉ કરવાની સાથે ચાલવામાં પણ સરળતા રહેશે. વળી હેટ અને કૂલ શેડ્સની સાથે તમે લૂકમાં ગ્લેમર પણ એડ કરી શકો છો.
(Image: Instagram/ @sharvari)
કેટરિનાએ બર્થ ડે પર પહેર્યા સ્ટાઇલિશ આઉટફિટ્સ
એક્ટ્રેસે પોતાનો બર્થ ડે મિત્રોની સાથે સેલિબ્રેટ કર્યો હતો. જ્યાં તે લૂઝ શર્ટમાં જોવા મળી હતી. તમે પણ બીચ પર આ પ્રકારે લૂઝ શર્ટને કૅરી કરી સકો છો, જેમાં તમારે બોટમ વિઅર પહેરવાની કોઇ ટેન્શન નથી રહેતી. તમારાં ઇનર વિઅરની સાથે લૂઝ ફિટિંગનો લોન્ગ શર્ટ લાઇટ લૂક આપશે અને તમારી સ્ટાઇલને પણ જાળવી રાખશે. માત્ર બિકિની પહેરવાથી બચવા માટે લોન્ગ શોર્ટ એક બેસ્ટ આઇડિયા છે.
(Image: Instagram/ @katrinakaif)
પ્રિયંકાની ગર્લ ગેન્ગના બીચ લૂક્સ
પીસીએ હાલમાં જ તેના ફ્રેન્ડ્સ અને ફેમિલી સાથે બર્થ ડે સેલિબ્રેટ કર્યો હતો, ટેનિંગથી બચવા માટે તેણે ફૂલ સ્લિવ્સ કો-આર્ડ ડ્રેસ પહેર્યો હતો. જ્યારે તેની બહેન પરિણિતી ચોપરાએ મિની ડ્રેસ પહેર્યો હતો. બાકી મિત્રોએ શોર્ટ્સ અને કફ્તાન ડ્રેસ પહેર્યા હતા. તમે પણ ઇચ્છો તો શોર્ટ્સ સાથે આરામદાયક મિની ડ્રેસ પહેરી શકો છો.
(Image: Instagram/ @parineetichopra)