કોમનવેલ્થ રમતમાં ગોલ્ડ મેડલ જીતનાર દંગલ ગર્લ ગીતા ફોગાટે પોતાની એક ખૂબ જ સુંદર તસવીર સોશિયલ મીડિયા એકાઉન્ટ ઈન્સ્ટાગ્રામ પર શૅર કરી છે. જે તેના ફેન્સને ખૂબ જ પસંદ પડી છે. ગીતાએ આ તસવીર દ્વારા ફેન્સને જાણકારી આપી છે કે તે પ્રેગ્નન્ટ છે અને તે આ સમયે ખાસ અનુભવી રહી છે. ગીતાએ પોતાના બેબી બમ્પ પર પોતાના બન્ને હાથ રાખીને પહાડો વચ્ચે આ તસવીરમાં જોવા મળે છે. આ તસવીરની સાથે તેણે જે કેપ્શન લખ્યું છે. તે પણ સુંદર છે. ગીતાએ પોતાના એ અનુભવને વ્યક્ત કર્યો છે. જે તે આ સમયે અનુભવી રહી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
મા બનવાની ખુશીની શરુઆત
આ દિગ્ગજ રેસલરે લખ્યું કે,’એક માની ખુશી ત્યારે શરુ થાય છે જ્યારે અંદર એક નવા જીવનની શરુઆત થાય છે…જ્યારે બિલકુલ પહેલીવાર એક નાની ધડકન સાંભળવા મળે છે. રમત-રમતમાં જ તેની નાની કિક યાદ અપાવે છે કે તે ક્યારેય એકલી નથી. તમે ત્યાં સુધી જીવનના એ અનુભવને નહીં સમજો જ્યાં સુધી તે તમારી અંદર ન ખીલે.’
પહેલવાન પવનકુમાર સાથે કર્યા છે લગ્ન
આ ફોટો કેપ્શન સાથે ગીતાએ પ્રેગ્નન્સી, બેબી બમ્પ અને મધરહુડઈનસાઈડ જેવા શબ્દોને હેશટેગ પણ કર્યું છે. ઈન્સ્ટાગ્રામ પર આ તસવીરને આશરે એક લાખ કરતાં વધુ લોકો પસંદ કરી ચૂક્યાં છે. નોંધનીય છે કે વર્ષ 2016માં ગીતા ફોગાટે પહેલવાન પવનકુમાર સરોહા સાથે વિવાહ કર્યાં હતાં. ગીતાની જેમ પવન પણ ઈન્ટરનેશનલ રેસલર છે.
‘દંગલ’માં ફાતિમા સના શેખે કર્યો હતો રોલ
પવન પણ કોમનવેલ્થ ચેમ્પિયનશિપ (2011)માં ગોલ્ડ અને 2010 કોમનવેલ્થ રમતમાં બ્રોન્ઝ પોતાના નામે કરી ચૂક્યો છે. રેસલિંગમાં ગીતા ફોગાટની ઉપલબ્ધિઓ અને તેના પિતા મહાવીર ફોગાટના જીવન પર એક ફિલ્મ ‘દંગલ’ પણ બની ચૂકી છે. નોંધનીય છે કે આમિર ખાનની ફિલ્મ ‘દંગલ’ ગીતા ફોગાટના પિતા મહાવીર ફોગાટની બાયોપિક હતી. આ ફિલ્મમાં ફાતિમા સના શેખે ગીતાનો રોલ કર્યો હતો. જ્યારે આમિર ખાન મહાવીર ફોગાટના રોલમાં હતાં. આ ફિલ્મ સુપરહિટ સાબિત થઈ હતી.
સેલેબ્સ આપી રહ્યાં છે શુભેચ્છાઓ
ગીતાની આ પોસ્ટ પર હિના ખાને લખ્યું છે કે,’ગીત, તને અને પવનને શુભેચ્છાઓ, ઈશ્વર તમારા પર કૃપા બનાવી રાખે. તારા માટે હું ખૂબ જ ખુશ છું. ઓમ ગણેશાય નમઃ’ આ ઉપરાંત કરણવીર બોહરાએ લખ્યું-ગીતા, ઓમ નમઃ શિવાય. આ ખૂબ જ સારી ખબર છે. પવન અને તને શુભેચ્છાઓ. ‘જમાઈ રાજા’ની ‘રોશની’ એટલે કે નિયા શર્માને શુભેચ્છા આપતા લખ્યું કે પવન અને તારા માટે હું ખૂબ જ ખુશ છું. (તમામ તસવીરોઃ ગીતા ફોગાટ ઈન્સ્ટાગ્રામ પરથી સાભાર)
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.