શું વેસેલિન સ્કિન માટે હેલ્ધી છે?

I am Gujarat

શું વેસેલિન એટલે કે પેટ્રોલિયમ જેલીથી સ્કિનને નુકાસાન થાય છે?

જેવો શિયાળો આવે કે આપણા ખરીદી લિસ્ટમાં પેટ્રોલિયમ જેલીનું નામ એડ થઈ જાય છે. સમાન્ય રીતે પેટ્રોલિયમ જેલીને આપણે વેસેલિન તરીકે ઓળખીએ છીએ. મોટાભાગના લોકો શિયાળામાં સુકાઈ જતી ત્વચા માટે મોશ્ચરાઇઝરની જગ્યાએ પેટ્રોલિયમ જેલીનો ઉપયોગ કરે છે. તેને ફાટેલા હોઠ, પગના તળીયા, તેમજ હાથ પગ પર લગાવવામાં આવે છે.

પેટ્રોલિયમ જેલીનો ઉપયોગ…

ડ્રાય સ્કિન માટે પેટ્રોલિયમ જેલીનો ઉપયોગ સારો છે કે નુકસાનકર્તા આ અંગે કેટલાક એક્સપર્ટની સલાહ લેવામાં આવી હતી. તેમણે કહ્યું કે, ‘પેટ્રોલિયમ જેલી મિનરલ ઓઇલ્સ અને વેક્સનું એક મિક્સચર છે. તેમાં રહેલું મુખ્ય તત્વ પેટ્રોલિયમ બોડી પર ખાસ પ્રકારનું પડ તૈયાર કરે છે જેનાથી ત્વચામાં રહેલું મોશ્ચરાઇઝર કે પાણી ઉડી જતું નથી. તેમજ ત્વચામાં કુદરતી રીતે રહેલા સુરક્ષા કવચને વધુ મજબૂત કરવામાં પણ મદદ કરે છે.’

વેસેલિન કોઈપણ મોઇશ્ચરાઇઝર કરતા આપે છે વધુ સારુ રીઝલ્ટ

તેમણે વધુમાં કહ્યું કે, ‘શરીરના કોઇપણ ભાગ પર એક્સટ્રીમ ડ્રાય સ્કિનની સ્થિતિમાં પણ લોશન કરતા વધુ અસર પેટ્રોલિયમ જેલી કરે છે. પેટ્રોલિયમ પોતે જ એક વોટર પ્રોટેક્ટિવ અવરોધક પડ તૈયાર કરે છે. આ કારણે ત્વચાનું મોઇશ્ચર જેમનું તેમ ટકી રહેવામાં મદદ મળે છે.’

જાણો બીજા કઈ બાબતે પેટ્રોલિય જેલી થઈ શકે છે મદદરુપ

– સામાન્યપણે દાઝી ગયા હોવ તો પેટ્રોલિય જેલી મદદરુપ થાય છે. તેના લગાડવાથી ખંજવાળ નથી આવતી.– સ્નાન બાદ તમારા બોડીની મોઇશ્ચરને જાળવી રાખવા માટે પેટ્રોલિયમ જેલીનો ઉપયોગ ખાસ કરવો જોઈએ. તેનાથી તમને ફાયદો રહે છે.

પગમાં પડતા ચીરામાં આ રીતે કરે ઉપાય

– જો પગમાં ચીરા પડવાની ફરીયાદ રહેતી હોય તો ગરમ પાણીમાં મીઠું નાખીને તેમાં પગને પલાળો. ત્યાર બાદ તેને સાફ કપડાથી સાફ કરીને પેટ્રોલિયમ જેલી લગાવો. થોડા જ દિવસોમાં તમને નવી સ્મૂધ ચામડી જોવા મળશે.– ત્વચાના રક્ષણ માટે નાનકડી માત્રામાં પેટ્રોલિયમ જેલીને લઇને ત્વચા પર લગાવવું જોઈએ. જે ભાગ પર જેલી લગાવ્યું હોય તેને એટલું ઘસો કે તે ત્વચામાં ઉતરી જાય.– જો તમે રાતના પણ વેસેલિન લગાવીને સૂતા હોવ તો ચિંતા કરવાની જરુર નથી. તેનાથી ફાયદો જ થશે કોઈ નુકસાન થતું નથી.