સમર ડ્રેસિસથી લઇને ટ્રેન્ડી ક્રોપ ટોપ્સ અને ડેનિમ સૂટ્સ સુધી, આલિયાના વોર્ડરોબની દરેક વસ્તુ એવી છે જે તમે કોઇ પણ પ્રસંગે પહેરી શકો છો. આ તહેવારોના માહોલમાં જો તમે પણ એથનિક, ટ્રેન્ડી આઉટફિટ્સ શોધી રહ્યા હોવ તો આલિયાના આઉટફિટ્સ પરથી આઇડિયા લઇ શકો છો. શોર્ટ વેકેશન કે ઓફિસ સેલિબ્રેશન દરમિયાન તમે આ ડિઝાઇન્સ ટ્રાય કરી શકો છો.
(Images: Instagram/ @aliabhatt)
જન્માષ્ટમી સેલિબ્રેશન
વર્ક પ્લેસ પર જન્માષ્ટમી સેલિબ્રેશન માટે તમે આલિયાના આ ટ્રેડિશનલ લૂકને કોપી કરી શકો છો. આલિયાની આ પિંક ચોલી સિમ્પલ હોવા ઉપરાંત ઇઝી-ટૂ-કૅરી આઉટફિટ છે. લાંબા વર્કિંગ અવર્સ દરમિયાન તમે આ પ્રકારે લાઇટ વેઇટ ચોલ, ઘરારા અને સિમ્પલ દુપટ્ટા પહેરો. આ ચોલીની સાથે ઓક્સોડાઇઝ્ડ જ્વેલરી મેચ કરો.
ટ્રેન્ડી આઉટફિટ્સ
વર્ક પ્લેસ કે અન્ય સ્થળે સેલિબ્રેશન દરમિયાન તમે આલિયાના આ બંને લૂક ટ્રાય કરી શકો છો. વરૂણ ધવન સાથે કલંક ફિલ્મના પ્રમોશન દરમિયાન આલિયાએ પહેરેલા બ્લૂ કૂર્તા-પલાઝો સેટને તમે પિંક ટ્રેન્ડી દુપટ્ટા સાથે કમ્પલિટ કરો. જો તમે ટ્રેડિશનલ કૂર્તાના બદલે કંઇક અલગ ટ્રાય કરવા ઇચ્છો છો તો આલિયાના આ હૉલ્ટર નેક એથનિક સેટને પહેરી શકો છો. આ લૂક ટ્રેડિશનલ ઉપરાંત મોર્ડન પણ છે.
ઓફિસ સેલિબ્રેશન માટે એથનિક
ઓફિસમાં સેલિબ્રેશન માટે સાડી કે ચોલીના બદલે આલિયાનો આ એથનિક લૂક ટ્રાય કરો. આ લૂકમાં આલિયાએ મસ્ટર્ડ યલો લોન્ગ સ્લિવ્સ કૂર્તા સેટ પહેર્યો છે. જેમાં બેક નેકલાઇન સેલિબ્રેશન મોડને પરફેક્ટ બનાવશે. આ ચોલી સાથે આલિયાએ ઘરારા પહેર્યો છે અને હેરસ્ટાઇલ ઉપરાંત મિનિમલ જ્વેલરીથી પોતાના લૂકને કમ્પલિટ કર્યો છે.
વર્કપ્લેસ સેલિબ્રેશન
આલિયા ભટ્ટે ફિલ્મ પ્રમોશન દરમિયાન સ્લિવલેસ કૂર્તા-ઘરારા સેટ પહેર્યો છે. આ ડ્રેસમાં લિલિયાક પેટર્ન જોઇ શકાય છે. એથનિક ટચ માટે આલિયાએ એમ્બ્રોયડરીના સી-બ્લૂ કલરને મેચ કરતાં ઇયરિંગ્સ પહેર્યા છે અને વાળને વેવી સ્ટાઇલમાં રાખ્યા છે. તમે પણ ઓફિસમાં આ પ્રકારે ઇઝી લૂક ટ્રાય કરી શકો છો.
લંચ આઉટફિટ્સમાં ડ્રામા
ઓફિસ લંચ કે મિત્રો સાથે આઉટિંગ પર જઇ રહ્યા હોવ તો તહેવારોમાં તમારાં સિમ્પલ ટોપના બદલે આલિયાના આ ફ્રોક ટોપને ટ્રાય કરી શકો છો. આલિયાના આ વ્હાઇટ શર્ટની સાથે સ્ટિચ કરેલાં ફ્રોક સ્ટાઇલ ટોપને તમે વ્હાઇટ કે બ્લશ પિંક જીન્સ સાથે પહેરી શકો છો.
લંચ ડેટ માટે ટ્રાય કરો આ સેટ
વિકએન્ડ પર જો તમે પાર્ટનર સાથે લંચ ડેટ પર જઇ રહ્યા હોવ તો આલિયા ભટ્ટનું ફ્લેયર્ડ સ્લિવ ટોપ પસંદ કરી શકો છો. આ ટોપ પર ઇન્ટ્રિકેટ એમ્બ્રોયડરી અને પ્લન્જિંગ નેકલાઇન તમારાં લૂકને પણ ખાસ બનાવી દેશે. આલિયાએ આ ટોપને બ્રાઉન કલરના શોર્ટ સાથે પૅર કર્યુ છે, તમે પણ ઇચ્છો તો શોર્ટ્સ અથવા બ્રાઉન જીન્સ સાથે તેને પહેરી શકો છો. ટોપની સાથે સ્લિપ સેન્ડલ્સ અને ઇયરિંગ્સથી તમારાં લૂકને કમ્પલિટ કરો.
બીચ ટ્રીપને બનાવો ખાસ
વરસાદી સિઝનમાં શોર્ટ ટ્રીપ માટે બીચ પર જવાનું નક્કી કર્યુ હોય તો તમે આલિયાની માફક આ પ્રકારે કલરફૂલ ડ્રેસ પહેરી શકો છો. આ ડ્રેસની વર્ટિકલ અને હોરિઝોન્ટલ ડિઝાઇન્સ તેને બીચ વેકેશન માટે પરફેક્ટ આઉટફિટ બનાવે છે. તમે પણ આલિયાની માફક આ ડ્રેસની સાથે રાઉન્ડ ગોલ્ડ ઇયરિંગ્સ પહેરી શકો છો. આ સિવાય આઉટિંગ માટે લોન્ગ કાર્ડિગન પણ પહેરી શકો છો.