હાલમાં જ કપિલે તેના દીકરા ત્રિશાનનો બીજો જન્મદિવસ સેલિબ્રેટ કર્યો, જેની તસવીરો તેણે શૅર કરી છે. આ બર્થ ડે પાર્ટી પર આખા ફેમિલીએ કસ્ટમાઇઝ્ડ પેપ્પા પિગ-થીમવાળા આઉટફિટ્સ પહેર્યા હતા. જ્યારે કપિલ અને ગિન્નીની મોટી દીકરી અનાયરાના લૂકે બધાનું સવિશેષ ધ્યાન ખેંચ્યુ. આ આઉટફિટમાં તે એટલી સુંદર લાગી રહી હતી કે, ફેન્સ પણ તેની ક્યૂટનેસના વખાણ કરી રહ્યા હતા.
(Images: Instagram/ @kapilsharma, @ginnichatrath)
થીમ બર્થ ડે પાર્ટી
કપિલ શર્માની પત્ની ગિન્ની ચતરથે તેના ઇન્સ્ટાગ્રામ પર બર્થ ડે થીમ પાર્ટીની કેટલીક તસવીરો શૅર કરી છે, જેમાં કપિલના બંને બાળકો ખૂબ જ ક્યૂટ લાગી રહ્યા છે. શર્મા ફેમિલીએ પેપ્પા પિગ થીમવાળા કલરફૂલ આઉટફિટ્સ પહેર્યા હતા. ત્રિશાને પર્પલ કલરના આઉટફિટ્સ પહેર્યા હતા, તો અનાયરા ફૂલ ટીશર્ટ અને જીન્સમાં જોવા મળી હતી.
ત્રિશાનનો સ્ટાઇલિશ અંદાજ
કપિલે પણ તેના ઇન્સ્ટાગ્રામ પર કેટલીક તસવીરો શૅર કરી છે, જેમાં તે દીકરાને કિસ કરતો જોવા મળે છે. આ તસવીરમાં ત્રિશાન ગ્રીન કલરના ચશ્મામાં સ્ટાઇલિશ લાગી રહ્યો છે. ગ્રીન અને બ્રાઉન કલરની ડંગરી અને સફેદ વિન્ટર કેપમાં ત્રિશાન જ્યારે કપિલ યલો કલરના પફર જેકેટમાં જોવા મળે છે.
અનાયરાનો ક્યૂટ લૂક
આ તસવીરમાં અનાયરાએ તેના ભાઇને ખૂબ જ પ્રેમથી પકડ્યો છે. તેણે બેબી લૉન્ગ સ્કર્ટ અને ટોપ પહેર્યુ છે. પીળા રંગના ટોપની સાથે અનાયરાએ ટાયર ડિટેલવાળો સફેદ રંગનો સ્કર્ટ પહેર્યો હતો, જેમાં મલ્ટીકલર ગોટાપટ્ટી એડ કરવામાં આવી છે. અનાયરાના લૂકમાં સ્ટાઇલ એડ કરવા માટે સુંદર હેર બેન્ડ પણ લગાવવામાં આવ્યું છે.