આ ફેશન ઇવેન્ટમાં કેટલીક સેલિબ્રિટીઝ એવા આઉટફિટ્સ પહેરીને પહોંચી જેમાં તેઓને ઓળખવી જ મુશ્કેલ હતી. આ લિસ્ટમાં લિલ નેસ એક્સથી લઇને ડોજા કેટ જેવા સેલિબ્રિટીઝ સામેલ છે. પ્રતિ વર્ષ મેટ્રોપોલિટન મ્યૂઝિયમ ઓફ આર્ટ કોશ્ચ્યૂમ ઇન્સ્ટિટ્યૂટ ન્યૂયોર્કમાં મેટ ગાલા ઇવેન્ટ આયોજિત કરવામાં આવે છે. અહીં જૂઓ, સેલિબ્રિટીઝના સૌથી વિચિત્ર લૂક્સ.
(Images: Instagram/ @metgalaofficial)
સિલ્વર પેઇન્ટમાં લિલ નેસ
રૅપર લિલ નેસ એક્સ (Lil Nas X) મેટ ગાલા રેડ કાર્પેટ પર કપડાં પહેર્યા વગર જ પહોંચ્યો હતો. તેણે બોડીને સિલ્વર પેઇન્ટ કરી હતી અને ઉપરથી નીચે સુધી 218,784 સ્વરોસ્કી ક્રિસ્ટલ્સ ચોંટાડ્યા હતા.
લિલનું ફેસ માસ્ક
લિલે ફેસ પર લગાવેલું પર્લ અને સ્વરોસ્કી એમ્બેલિશ્ડ માસ્ક દૂરથી જ લોકોનું ધ્યાન ખેંચી રહ્યું હતું. તેણે ડિયોર બ્રાન્ડનું મેન થૉન્ગ પહેર્યુ હતું અને તેના આ જ ડેરિંગ લૂક સાથે તે પોઝ આપી રહ્યો હતો.
ડોજા કેટનો કેટ લૂક
મેટ ગાલા 2023માં સિંગર અને રૅપર ડોજા કેટ બિલાડીવાળા લૂકમાં પહોંચી હતી. જ્યાં તેણે વ્હાઇટ અને સિલ્વર કલરનું ગાઉન પહેર્યુ હતું, જેમાં કેટ ઇયર્સની સાથે તેનો પ્રોસ્થેટિક ચહેરો બિલાડીની આકારમાં બનેલો હતો.
કાર્લને શ્રદ્ધાંજલિ
ડોજાએ તેના આ લૂકની મદદથી કાર્લ લેગરફેલ્ડને શ્રદ્ધાંજલિ આપી જેઓ તેમની બિલાડીને ખૂબ જ પ્રેમ કરતા હતા. આ બેકલેસ ફિગર હગિંગ ડ્રેસને તેણે લેબલ Oscar De La Rentaમાંથી પિક કર્યો હતો, જેની યુનિકનેસ તેના લૂકને અલગ હોવાની સાથે હિટ પણ બનાવી રહી હતી.
નતાશાનું મેટાલિક ગાઉન
નતાશા પૂનાવાલા ફિગર હગિંગ મેટાલિક ગાઉન પહેરીને મેટ ગાલામાં પહોંચી હતી, જેમાં બિલાડીના કાન જેનો આકાર તેના માથા સુધી દર્શાવવામાં આવ્યો હતો. આ પ્રકારનો ડ્રેસ ચોક્કસથી તમે અગાઉ ક્યાંય નહીં જોયો હોય.
ગર્ભવતી રિહાનાનો વિચિત્ર ડ્રેસ
મેટ ગાલા થીમ અનુસાર, હોલિવૂડ સિંગર અને પોતાના પ્રેગ્નન્સી પીરિયડને એન્જોય કરી રહેલી રિહાના વ્હાઇટ કલરના અજીબો-ગરીબ ગાઉનમાં જોવા મળી હતી. જેના અપર પોર્શન પર ફૂલોની ડિઝાઇન હતી અને સ્કર્ટમાં ઘેરદાર પેટર્ન જોવા મળી હતી. તેણે ચહેરા પર આઇલેશિસ વાળા ગોગલ્સ પહેર્યા હતા.
કિમ કાર્દશિયનનું પ્લેબોય શૂટ ગાઉન
કિમ કાર્દશિયન આ વર્ષે મોતીથી સજાવેલો ડ્રેસ પહેરીને પહોંચી હતી. જેમાં તેણે લેયર્ડ પર્લથી બનેલો ડ્રેસ પહેર્યો હતો. કિમનો ડ્રેસ તેના 2007ના પ્લેબોય ફોટોશૂટથી ઇન્સપાયર્ડ હતો. આ નેકેડ ડ્રેસમાં 50,000થી વધુ મોતી લગાવવામાં આવ્યા હતા.