નંદિનીની આ ઉપલબ્ધિને કારણે તે અનેક યંગ ગર્લ્સ માટે પ્રેરણા બની ગઇ છે. નંદિનીએ તેના કોન્ફિડન્સ અને સુંદરતાથી લોકોને ક્રેઝી બનાવ્યા છે. ડાર્ક મરૂન કલરના ગાઉનમાં તે સ્ટેજ પર ખૂબ જ આકર્ષક પર્સનાલિટી લાગી રહી હતી.
(Images: Instagram/ @nandiniguptaa13, @missindiaorg)
ડિઝાઇનર ગાઉન
નંદિની ગુપ્તાએ આ બ્યૂટી પેજેન્ટમાં ફેશન ડિઝાઇનર રોકી સ્ટાર દ્વારા ડિઝાઇન કરેલો ગાઉન પહેર્યો હતો. રોકીએ આ ઇવેન્ટની લગભગ તમામ બ્યૂટી ક્વીન્સના આઉટફિટ્સ ડિઝાઇન કર્યા છે. બ્યૂટી કોમ્પિટિશન જીતનાર નંદિની એક મોડલ પણ છે. તેની સાબિતી તેના સોશિયલ મીડિયા પરથી મળી રહે છે જ્યાં તેણે અનેક ગ્લેમરસ ફોટોશૂટની તસવીરો શૅર કરી છે.
આ બે લોકોને ગણે છે આઇડલ
નંદિની જ્યાં લાખો લોકોની પ્રેરણા બની ગઇ છે, તેણે પોતાના એક ઇન્ટરવ્યુમાં જણાવ્યું કે, તેની લાઇફના સૌથી પ્રભાવશાળી વ્યક્તિ રતન ટાટા છે જેઓ માનવતા માટે તેમની કમાણીનો મોટાંભાગનો હિસ્સો દાનમાં આપે છે. આ સિવાય તે પ્રિયંકા ચોપરાએ આઇડલ ગણે છે જેણે વર્ષ 2000માં મિસ વર્લ્ડનો તાજ પોતાના નામે કર્યો હતો.
બાળપણથી જ હતું સપનું
નંદિની બાળપણથી જ મિસ ઇન્ડિયાનો તાજ તેના માથા પર હોય તેવા સપના જોતી હતી. તેણે કહ્યું કે, જ્યારે હું 10 વર્ષની હતી તે સમયથી જ મિસ ઇન્ડિયા કોમ્પિટિશનમાં ભાગ લેવા ઇચ્છતી હતી. આ સાથે જ મને સમજ પડી કે આ જર્નીને અમુક જ લોકો અનુભવી શકે છે. આ સ્ટેજ તમને અનેક ઉંચાઇઓ સુધી લઇ જાય છે. એક સાધારણ યુવતીને મિસ ઇન્ડિયાનો સ્ટેજ તેની સાદગી સાથે અસાધારણ બનાવી દે છે.
સોશિયલ મીડિયા પર સ્ટાઇલ
નંદિનીના ઇન્સ્ટાગ્રામ પર નજર કરીએ તો લાગે છે કે, તે અનેક વર્ષોથી આ ક્ષણની તૈયારીઓ કરી રહી હતી. તેની તસવીરોમાં સ્ટાઇલની સાથે સાથે ગ્રેસ પણ જોવા મળે છે. વળી તેણે પોતાની ફિટનેસ ઉપર પણ ઘણી મહેનત કરી છે. મિસ ઇન્ડિયા બનતા પહેલાં જ નંદિની બી ટાઉન એક્ટ્રેસિસની માફક ફેશન ગોલ્સ આપતી જોવા મળે છે.