માત્ર બોલિવૂડ દુલ્હનો જ નહીં, પણ સબ્યસાચીના બ્રાઇડલ આઉટફિટ્સ (sabyasachi bridal lehenga 2022) દરેક યુવતીની પહેલી પસંદ છે. ઘણીવાર દુલ્હન બનવા જઇ રહેલી યુવતી પોતાના માટે ફેવરિટ એક્ટ્રેસના આઉટફિટ્સ પરથી ઇન્સપિરેશન લઇને કસ્ટમ આઉટફિટ્સ પણ તૈયાર કરાવે છે. જો કે, જયપુરની આ દુલ્હન દરેક યુવતીના મામલે જરાક અલગ નિકળી.
આ દુલ્હને પોતાના માટે ના તો અનુષ્કા જેવા આઉટફિટ્સ પસંદ કર્યા કે ના તો દિપિકા જેવી હેવી જ્વેલરી પોતાના લૂક સાથે મેચ કરી. તેણે પોતાના ફેવરિટ ડિઝાઇનર પાસે એવા આઉટફિટ્સ તૈયાર કરાવ્યા જેને જોઇને ઇન્ટરનેટ પર દરેક વ્યક્તિએ તેના વખાણ કર્યા છે.
(Images: Instagram/ @bridesofsabyasachi, @i_manishrajput)
સબ્યસાચીએ તૈયાર કર્યા ખાસ આઉટફિટ્સ
દિલ્હીમાં રહેતી રાધા મલાનીની કેટલીક સુંદર તસવીરો ડિઝાઇનર સબ્યસાચીએ પોતાના ઇન્સ્ટાગ્રામ પેજ બ્રાઇડ્સ ઓફ સબ્યસાચી (real brides of sabyasachi) પર શૅર કરી છે. રાધાએ ભારતના જાણીતા ફેશન ડિઝાઇનરે તૈયાર કરેલા એટલાં સુંદર આઉટફિટ્સ પહેર્યા હતા કે, પ્રસંગમાં હાજર દરેક વ્યક્તિએ તેના વખાણ કર્યા હતા. રાધા મલાનીએ પોતાના માટે હેરિટેજ કલેક્શનમાંથી બ્લશ પિંક લહેંગા પસંદ કર્યો હતો, જેમાં સિલ્ક ફેબ્રિકની ઉપર રિચ એમ્બ્રોયડરી કરવામાં આવી હતી.
દુલ્હનના ચહેરા પર અટકી જશે નજર
રાધાએ જે આઉટફિટ્સ પહેર્યા હતા, તેમાં ગોટા પટ્ટી વર્ક જોઇ શકાય છે, જે તેના લૂકમાં રિચનેસ એડ કરી રહ્યું છે. આ સિવાય તેણે લાલ રંગના બદલે પેસ્ટલ શૅડ્સ પર પંસદગી ઉતારી જે અત્યારે ફેશન ટ્રેન્ડમાં છે. આ આઉટફિટમાં વર્કથી લઇને ફૉલની ડિઝાઇનને મોનોટોન લૂક આપવામાં આવ્યો હતો.
ફ્લોરલ હેન્ડ એમ્બ્રોયડરી હતી ખાસ
આઉટફિટના સ્કર્ટ પર રેશમના દોરાનો ઉપયોગ કરીને ગોલ્ડન ઝરીથી નાજૂક ફ્લોરલ હેન્ડ એમ્બ્રોયડરી તૈયાર કરવામાં આવી હતી. આઉટફિટમાં બ્લિંગ ઇફેકટ ક્રિએટ કરવા માટે મિરર વર્ક પણ કરવામાં આવ્યું હતું, જે તેની એક એક પેનલ્સને સુંદર બનાવી રહ્યું હતું.
લૂકમાં નથી છોડી કોઇ કસર
પોતાના લહેંગાની સાથે રાધાએ મેચિંગ દુપટ્ટો પહેર્યો હતો, જેની બોર્ડર પર ચાંદીના તારથી બનેલા શૅડ્સનું કામ જોઇ શકાય છે. આ દુપટ્ટાને તેણે રૉયલ સ્ટાઇલમાં ડ્રેપ કર્યો હતો. પરફેક્ટ બ્રાઇડલ લૂક માટે રાધાએ ગોલ્ડ-પોલકી અને પન્ના જ્વેલરી પહેરી હતી, જેની સાથે તેણે હાથમાં સફેદ ચૂડા પહેર્યા હતા.