સલમાન ખાનના નજીકના મિત્રોએ હવે યુલિયાને ભાભી કહેવાનું શરૂ કરી દીધું

મુંબઈઃ બોલિવૂડ અભિનેતા સલમાન ખાનના કેટલાક મિત્રોએ તેની ક્લોઝ ફ્રેન્ડ યુલિયા વન્તુરને ભાભી કહીને બોલાવવાનું શરૂ કરી દીધું હોવાના અહેવાલ છે. ભલે લગ્નની તારીખ હજી નક્કી થઈ ન હોય, પરંતુ કેટલાક રિપોર્ટ્સ કહે છે કે, સલમાન આ રશિયન ટેલિવિઝન સ્ટાર સાથે લગ્નના બંધનમાં બંધાઈ શકે છે.

જોકે આ બંનેમાંથી કોઈએ આ સંબંધ પર પોતાના તરફથી સ્પષ્ટતા કરી નથી, પરંતુ આ કપલ ઘણી વાર મૂવી સ્ક્રીનિંગ અને પાર્ટીઝમાં જોવા મળ્યું છે. સલમાન ખાનના પરિવાર સાથે યુલિયાની વધી રહેલી નિકટતાની પણ ખૂબ ચર્ચા છે અને તે સલમાનની બર્થડે પાર્ટીમાં પણ ખાસ આમંત્રિત કરાઈ હતી.
સાંભળવા મળ્યું છે કે, તેણે સલમાનની આગામી ફિલ્મ ‘ટ્યૂબલાઇટ’ની ટીમ સાથે જોડાયેલા લોકોને લેટેસ્ટ સ્માર્ટફોન પણ ગિફ્ટ કર્યો છે. તેણે સલમાનના બોડીગાર્ડ અને તેની આસપાસ રહેતા અન્ય કેટલાક લોકોને પણ એ જ મોડલના ફોન એવું જતાવવા આપ્યા છે કે, તે તેમની પણ કાળજી રાખે છે. તો શું આનો અર્થ એ છે કે, તે ખૂબ જલદી જ હવે લગ્નના બંધનમાં બંધાઈ જશે?