નાના ફ્લેટમાં પણ બચશે મોટી જગ્યા, ઘર માટે ખરીદો આવું ફર્નિચર

મેટ્રો સિટીમાં નાનો ફ્લેટ ખરીદવો પણ મોટી વાત છે. જો તમને એવું લાગતું હોય કે તમારું ઘર નાનું છે અને મોટું ઘર ખરીદવા માટે હાલ બજેટ નથી તો એવું ફર્નિચર ખરીદો કે જેથી ઘરમાં વધુ જગ્યા જોવા મળે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો જો તમારા ઘરમાં બાળકો છે તો તમારે આરામ કરવા માટે રુફ બેડિંગ અથવા તો એપાર્ટમેન્ટ બેડિંગ ખરીદવા જોઈએ. આ પ્રકારના બેડમાં નીચે અને સાઈડમાં સ્ટોરેજ માટે સારી એવી જગ્યા હોય છે. સાથે જ એક બેડમાં બે બેડની સ્પેસ મળે છે. આજકાલ ફર્નિચર માર્કેટમાં સોફાની વિવિધ વેરાયટી જોવા મળે છે, તમારે એ પ્રકારનો સોફા ખરીદવો જોઈકે જેમાં સામાન રાખવાની પણ જગ્યાની વ્યવસ્થા હોય. આવું કરશો તો સોફા પણ આવી જશે અને અન્ય કબાટની પણ જગ્યા બચશે. તમારે લેપટોપ અથવા સ્ટડી માટે વૉલ ડેસ્ક ખરીદવું જોઈએ. આ વૉલ ડેસ્ક દીવાલમાં ફિક્સ થઈ જશે અને નાની ખુરશી પર બેસીને તમે આરામથી કામ કરી શકો છો. તમને સામાન મૂકવાની પૂરતી સ્પેસ મળશે અને નવું પણ લાગશે. આજકાલ ખૂબ જ પોપ્યુલર છે કૉફી ટેબલ વિથ નેસ્ટ સ્ટૂલ્સ કે જે ઓછી જગ્યા રોકે છે. જેમાં ખુરશીની જગ્યાએ સ્ટૂલ હોય છે અને તે પણ એવી રીતે ડિઝાઈન થયેલા હોય છે કે ટેબલની નીચે ગોઠવી શકાય. જેમાં બેસવાની પૂરી સ્પેસ મળે છે અને તેનો ડાઈનિંગ ટેબલ તરીકે પણ ઉપયોગ કરી શકો છો.