દુનિયા હાલ જેટલી ઝડપથી આગળ વધી રહી છે, તેવું માણસના અસ્તિત્વથી લઈને અત્યાર સુધી ક્યારેય નથી બન્યું. બદલાતા સમયમાં આપણને હાલ જેના વગર નથી ચાલતું તેવી 10 વસ્તુઓ કદાચ આગામી 25 વર્ષમાં જોવા નહીં મળે. ટેક્નોલોજીના વિકાસની હાલની ઝડપ જોતા 25 વર્ષથી ઓછા સમયમાં આ વસ્તુઓ ગાયબ થઈ જાય તો પણ નવાઈ નહીં.
લોકો પરણવાનું છોડી દેશે
આ વાત અત્યારે તમને વધારે પડતી લાગશે, પરંતુ વેસ્ટર્ન વર્લ્ડમાં તો આ ટ્રેન્ડ શરુ થઈ પણ ચૂક્યો છે. મેરેજનું આપણા દેશમાં હાલ ભલે જબરજસ્ત મહત્વ હોય, પરંતુ મેટ્રો સિટીમાં પણ હવે ભણેલા-ગણેલા અને આધુનિક કહેવાતા પુરુષો મેરેજથી દૂર રહેવાનું પસંદ કરવા લાગ્યા છે. લીવ-ઈનનો ટ્રેન્ડ એટલો વધ્યો છે કે, આવતા 25 વર્ષમાં કદાચ લગ્ન સંસ્થાનું અસ્તિત્વ જ ખતમ થઈ જાય તો નવાઈ નહીં.
ડિલિવરી બોય, વકીલ અને એન્જિનિયર્સની જોબ
આર્ટિફિશિયલ ઈન્ટેલિજન્સ એ હદે વધી રહ્યું છે કે, વકીલો, એન્જિનિયર્સ તેમજ કેટલીક પ્રકારની આર્ટ સાથે જોડાયેલા આર્ટિસ્ટનું ભવિષ્યમાં કામ રહેશે કે કેમ તે કહેવું ખૂબ મુશ્કેલ છે. એમેઝોને તો કેટલાક દેશમાં ડ્રોનથી ડિલિવરી શરુ પણ કરી દીધી છે. એટલું જ નહીં, હાલની ગાડીઓ પણ રસ્તા પરથી અદ્રશ્ય થઈ જાય તો નવાઈ નહીં, કારણકે ડ્રાઈવરલેસ ગાડીઓ તેમનું સ્થાન લેવા તૈયાર છે.
આખી દુનિયા પેપરલેસ
ધીરે-ધીરે લગભગ બધું જ હવે ઓનલાઈન થઈ રહ્યું છે, જેના માટે પહેલા ફોર્મ ભરવા પડતા હતા તેના માટે હવે સીધી ઓનલાઈન એપ્લિકેશન કરવાની રહે છે, કેશનું સ્થાન પણ કાર્ડે લીધું છે, અને ન્યૂઝપેપર્સ પણ હવે ઈ-પેપરમાં તબદિલ થવા લાગ્યા છે. આવનારા 25 વર્ષમાં કદાચ દુનિયામાંથી કાગળ જ ગાયબ થઈ જાય તો ચોંકશો નહીં.
સ્માર્ટફોન
તમે કદાચ એમ કહેશો કે સ્માર્ટફોન દુનિયામાંથી ગાયબ થઈ જાય તે અશક્ય છે. જોકે, તમારે એ જાણી લેવું જોઈએ કે હવે વીઅરેબલ ડિવાઈસનો જમાનો શરુ થઈ ચૂક્યો છે. તમારા મગજના સિગ્નલને વાંચી તમારા ઈશારા પર કામ કરે તેવા ગેજેટ્સ તૈયાર થવા લાગ્યા છે, અને એકવાર તેમના માસપ્રોડક્શનને કારણે તેમની કિંમતો નીચે આવી પછી જેમ કીપેડવાળા ફોનને સ્માર્ટફોને ગાયબ કરી દીધો, એમ વીઅરેબલ ડિવાઈસ સ્માર્ટફોનને જ ગાયબ કરી દેશે.
બેબી માટે પ્રેગનેન્ટ નહીં થવું પડે
મેડિકલ સાયન્સ પણ હવે અત્યંત ઝડપથી વિકસી રહ્યું છે. ક્લોનિંગથી બાળકનો જન્મ કરાવવામાં સક્ષમ બનેલું સાયન્સ એ હદે આગળ જશે કે બાળક પ્રાપ્ત કરવા માટે પ્રેગનેન્ટ થવાની જ જરુર નહીં પડે. એટલું જ નહીં, મહિલાઓને પિરિયડ્સના દર્દ અને પરેશાનીમાંથી કાયમ માટે મુક્તિ મળી જાય તે પણ આગામી 25 વર્ષમાં શક્ય છે.
ગાડીની ચાવીઓ ગાયબ થઈ જશે
કીલેસ ગાડીઓ બનવાની શરુઆત થઈ ચૂકી છે. કેટલીક લક્ઝુરિયસ કાર તો એપ દ્વારા જ તમે તેને લોક-અનલોક કરી શકો તેવું ફીચર મળવા લાગ્યું છે. ગાડીમાંથી ડ્રાઈવર જ ગાયબ થઈ જશે, ત્યારે તમારા ઈશારા પર ચાલનારી ગાડીને લોક કે અનલોક થવા માટે ચાવીની જરુર જ નહીં પડે.
પેટ્રોલ-ડીઝલ
પેટ્રોલિયમનો ભંડાર દુનિયામાં ખલાસ થવાની અણી પર પહોંચી ચૂક્યો છે, અને પેટ્રોલ-ડીઝલ પર દોડતા વાહનોનું સ્થાન ઈલેક્ટ્રીક વ્હીકલ્સે લેવાની તૈયારી કરી લીધી છે. માત્ર ઈલેક્ટ્રીક જ નહીં, સોલાર એનર્જી પર ચાલતી ગાડીઓ પણ આગામી 25 વર્ષમાં પોતાનું સ્થાન મજબૂત બનાવી ચૂકી હશે. પેટ્રોલ-ડીઝલ ખતમ થઈ જતાં દુનિયાની ઈકોનોમીનું ગણિત જ બદલાઈ જશે.
ઈન્જેક્શન જેવું કશુંય હશે જ નહીં
ઈન્જેક્શનથી ડર ન લાગતો હોય તેવું કોઈ ભાગ્યે જ હશે. જોકે, પેઈનલેસ વેક્સિનેશન બાદ હવે વ્યક્તિના શરીરમાં સોંય ઘૂસાડવી જ ન પડે તેવી ટેક્નોલોજી તૈયાર થઈ રહી છે. હવે વૈજ્ઞાનિકો જેટ ઈન્જેક્શન અને કેપ્સ્યુલ્સ બનાવી રહ્યા છે. આ કેપ્સ્યુલની અંદર જ નીડલ હશે, જે પેટમાં જઈ દવાને બ્લડસેલમાં ઈન્જેક્ટ કરી દેશે.
થિયેટર્સ ગાયબ થઈ જશે
ફિલ્મ જોવા જવું દરેકની ફેવરિટ એક્ટિવિટી હશે, પરંતુ થોડા સમયમાં જ થિએટર્સનું કોઈ અસ્તિત્વ જ નહીં રહે. હવે કેટલાક ટીવીમાં 3Dનો ઓપ્શન મળવા લાગ્યો છે, વર્ચ્યુઅલ રિયાલિટી પણ લોકપ્રિય થઈ રહી છે, ત્યારે આગામી દિવસોમાં તમે ઘેર બેઠા જ ચશ્મા પહેરી જાણે મોટા પડદા પર ફિલ્મ જોતા હો તેવી મજા લઈ શકશો.
પ્રાઈવસી પણ ગાયબ થઈ જશે
ચોવીસે કલાક ઓનલાઈન રહેતી દુનિયામાં પ્રાઈવસીની અપેક્ષા રાખવી અઘરી છે. આગામી વર્ષોમાં દુનિયામાં પ્રાઈવસી જેવી કોઈ વસ્તુ પણ ખતમ થઈ જશે, અને તેની શરુઆત થઈ પણ ચૂકી છે. તમે ઈન્ટરનેટ પર શું શોધો છો, તમને શેનો શોખ છે, તમે કેવા પ્રકારની વસ્તુઓ ખરીદો છો તે તમામ માહિતી ઈન્ટરનેટ કંપનીઓ, બેંક તેમજ તમારા પર ઓનલાઈન નજર રાખીને બેઠેલા લોકો જાણતા હશે.
નવરંગ સેન 2013થી ટાઈમ્સ ગ્રુપ સાથે સંકળાયેલા છે. ડિજિટલ જર્નાલિઝમમાં 14 વર્ષનો અનુભવ ધરાવતા નવરંગ સેને અગાઉ દિવ્ય ભાસ્કર તેમજ GSTVમાં કામ કર્યું છે. અર્થકારણ, રાજકારણ તેમજ ટેક્નોલોજી અને ઓટોમોબાઈલ તેમના રસના વિષય છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.