તિજોરીને કઈ દિશામાં રાખવી જોઈએ? જાણો શું કહે છે વાસ્તુશાસ્ત્ર

ઘર હોય કે કાર્યક્ષેત્ર, તિજોરીને કઈ દિશામાં રાખવી જોઈએ તેનું ધ્યાન રાખવું ખૂબ જરૂરી છે. વાસ્તુશાસ્ત્ર મુજબ તિજોરી અને પૈસા મૂકવાનું કબાટ હંમેશાં પશ્ચિમ દીવાલ સાથે જોડાયેલુ હોવું જોઈએ. એટલે તિજોરી અને કબાટનું મુખ પૂર્વ દિશા તરફ ખુલશે અને ધનલાભ થશે. આ સિવાય તિજોરીની સામે ક્યારેય પણ વોશરૂમ અથવા ગંદકી હોવી જોઈએ નહીં. તેના કારણે બચતમાં સમસ્યા ઊભી થાય છે.

વાસ્તુશાસ્ત્ર મુજબ તિજોરીને ખાલી રાખવી જોઈએ નહીં. તેમાં થોડું ધન રાખવું જરૂરી છે. તિજોરીની ઉપર કોઈ પ્રકારનો સામાન અથવા બોજ રાખવો જોઈએ નહીં. તિજોરીના કોઈપણ ખૂણામાં ક્યાંય પણ જાળું હોવું જોઈએ નહીં.

વાસ્તુશાસ્ત્ર મુજબ તિજોરીને ક્યારેય પણ કોઈ ધાતુ ઉપર રાખવી જોઈએ નહીં. તિજોરીને ક્યારેય ગંદા હાથથી સ્પર્શ કરવો જોઈએ નહીં અને જ્યારે પણ તિજોરીમાંથી પૈસા નીકાળવા અથવા મૂકવાની જરૂર હોય ત્યારે હાથ-પગ સ્વચ્છ હોય તે જરૂરી છે. તે દરમિયાન પગમાં જૂતા હોવા જોઈએ નહીં.