હીંગમાં ચમત્કારિક ઔષધિય ગુણો હોય છે જે બાળકની પેટની બીમારીઓને સરળતાથી ઠીક કરી શકે છે. જો કે, શિશુનું પાચન તંત્ર સંપુર્ણ રીતે વિકસિત નહીં થયું હોવાના કારણે તેઓમાં પાચન સંબંધિત મુશ્કેલીઓનું જોખમ વધારે રહે છે અને હિંગ એક ચમત્કારની માફક કામ કરે છે.
અહીં જાણો આયુર્વેદ કેન્દ્રના વૈદ્ય ડોક્ટર શરદ કુલકર્ણી (Dr Sharad Kulkarni, BAMS, MS-Ayurveda PhD) અનુસાર, બાળકોને કઇ ઉંમરે હિંગ આપવી જોઇએ અને તેના ફાયદાઓ શું હોય છે.
(તસવીરોઃ પિક્સાબે.કોમ, ફ્રિપિક.કોમ)
શું બાળકો હિંગ ખાઇ શકે છે?
ડોક્ટર અનુસાર, બાળકનું પાચનતંત્ર સંવેદનશીલ હોવાથી તેઓને હિંગ ના આપવી જોઇએ, આનાથી બેબીની ઇમ્યૂન સિસ્ટમને નુકસાન થઇ શકે છે અને લોહી વિકારની સમસ્યા ઉભી થઇ શકે છે. ખાસ કરીને 9થી 10 મહિનાથી ઓછી ઉંમરના બાળકોને કોઇ પણ પ્રકારે હિંગના ખવરાવી જોઇએ. બાળકના ખોરાકમાં પણ હિંગને સામેલ ના કરો. 10 મહિનાની ઉંમર બાદ બાળકને હિંગ આપી શકાય છે. આ માટે બાળકની ખીચડીમાં ચપટી હિંગ નાખી શકાય છે.
હિંગના ફાયદા
હિંગ પેટનો દુઃખાવો અને ગેસની સમસ્યા દૂર કરવામાં મદદ કરે છે. તેમાં એન્ટી-બેક્ટેરિયલ તત્વો હોય છે જે પેટમાં ગેસ્ટ્રિક જ્યૂસના અસંતુલિત સ્ત્રાવને નિયંત્રિત કરે છે. તેનાથી એસિડિટી અને પેટ ફૂલવા જેવી સમસ્યાઓ પણ દૂર કરવામાં મદદ મળે છે.
ઇમ્યૂન સિસ્ટમને ફાયદો
નવજાત શિશુઓની ઇમ્યૂનિટી કમજોર હોય છે અને હિંગમાં રહેલા રહેલા એન્ટી-વાયરલ ગુણો નવજાતને વાયરસ, બેક્ટેરિયા અને અન્ય સંક્રમણોથી બચાવવાનું કામ કરે છે.
શરદીમાં હિંગનો પ્રયોગ
જો બાળકને શરદી અથવા ખાંસી થઇ ગઇ છે તો ગરમ પાણીની એક કટોરીમાં હિંગના તેલની અમુક બૂંદો નાખો. 10 મહિનાથી વધારે ઉંમરના બાળકને 10થી 15 મિનિટ સુધી તેની વરાળ શ્વાસમાં લઇ શકે તેવું કરો. તમે હિંગનું તેલ બાળકની છાતી, ગરદન અને પીઠ પર મસાજ કરી શકો છો.
સૂકી ખાંસી પર કરો ઉપયોગ
જો 10 મહિનાથી વધુ ઉંમરના બાળકને સૂકી ખાંસી થઇ ગઇ છે તો તમે એક ચમચી મધમાં હિંગ પાઉડર, આદુનો રસ નાખીને દિવસ દરમિયાન ત્રણ વખત બાળકને એક એક ચમચી પીવરાવી શકો છો. એકવારમાં જ આ ઔષધિ પીવરાવવાની જરૂર નથી.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.