એવી અનેક બોલિવૂડ સેલિબ્રિટી મોમ્સ છે જે બહાદુરીપૂર્વક લોકોના મોંઢા બંધ કરવાની ક્ષમતા ધરાવે છે અને તેઓએ પોતાની પર્સનલ લાઇફને લોકોની નજરમાં ડ્રામા નથી બનવા દીધી. તેઓએ પોતાના બાળકોને ખૂબ જ પ્રેમપૂર્વક ઉછેર્યા અને પોતાનું સમાજમાં અલગ નામ પણ ઉભું કર્યુ. અહીં એવી જ સેલિબ્રિટી મોમ્સની વાત કરવામાં આવી છે જેઓએ સમાજની પરવા કર્યા વગર પોતાની જાત પર ભરોસો કર્યો અને બાળકોને પ્રેમથી મોટાં કર્યા.
(Cover Image: Instagram/ @sushmitasen47, @masabagupta)
નીના ગુપ્તા
નીના ગુપ્તાનું ટેલિવિઝન અને ફિલ્મી કરિયર લાંબું રહ્યું છે, તેઓ હાલમાં જ અલવિદા જેવી ફિલ્મ અને મસાબા-મસાબા જેવા શોમાં પણ જોવા મળી હતી. ફેશન ડિઝાઇનર મસાબા ગુપ્તાની માતા અને નીનાએ મસાબાના પિતા વેસ્ટ ઇન્ડિઝના પૂર્વ ક્રિકેટર વિવિયન રિચર્ડ્સ (vivian richards and neena gupta) સાથે લગ્ન કર્યા વગર જ પોતાની દીકરીનો ઉછેર એકલા હાથે કરવાનો નિર્ણય કર્યો. નીના બહાદુર, બોલ્ડ અને કૂલ મૉમની પ્રતિમૂર્તિ છે જે દરેક મુશ્કેલ સમયમાં પોતાની દીકરી સાથે ઉભી રહે છે.
(Image: Instagram/ @masabagupta)
સુષ્મિતા સેન
પૂર્વ મિસ યુનિવર્સ અને બોલિવૂડ એક્ટ્રેસ સુષ્મિતા સેને વર્ષ 2000માં પોતાની દીકરી રેનીને દત્તક લીધી, તે સમયે સુષ્મિતાની ઉંમર માત્ર 24 વર્ષ હતી. સુષ્મિતએ બાદમાં 2010માં પોતાની બીજી દીકરી અલીસાને પણ દત્તક લીધી. સુષ્મિતાએ પોતાની ઇન્સ્ટાગ્રામ પોસ્ટમાં લખ્યું હતું કે, જ્યારે હું માત્ર 24 વર્ષની હતી, ત્યારે રેનીએ મારાં હૃદયથી જન્મ લીધો હતો. આ નિર્ણય ખૂબ જ મોટો હતો, ઘણા લોકોએ તેના પર સવાલો પણ ઉઠાવ્યા. દીકરીને દત્તક કેમ લેવાની, લગ્ન વગર તે બાળકીનો ઉછેર કેવી રીતે કરશે? શું તમે સિંગલ પેરેન્ટ બનવા માટે તૈયાર છો?
(Image: Instagram/ @sushmitasen47)
મલાઇકા અરોરા
મલાઇકા અરોરાએ પોતાના 19 વર્ષ લાંબા લગ્નજીવનને ખતમ કરતાં 2017માં અરબાઝ ખાન સાથે ડિવોર્સ લીધા હતા. ડિવોર્સની પસંદગી પર દબાણ હોવા છતાં મલાઇકા પોતાના નિર્ણય પર અડગ રહી અને પોતાની લાઇફને મરજીથી જીવનનો નિર્ણય કર્યો. તેને તેના દીકરા અરહાનની કસ્ટડી પણ મળી જે હાલમાં યુએસમાં ભણી રહ્યો છે.
(Image: Instagram/ @malaikaaroraofficial)
અમૃતા સિંહા
અભિનેત્રી સારા અલી ખાન અને ઇબ્રાહીમમની મમ્મી અમૃતા સિંહે 2004માં પૂર્વ પતિ અને અભિનેતા સૈફ અલી ખાન સાથે ડિવોર્સ લીધા અને પોતાના બાળકોની કસ્ટડી પોતાની પાસે રાખી. એક ઇન્ટરવ્યુમાં સારાએ કહ્યું હતું કે, તે પોતાની મમ્મી પર એટલી નિર્ભર છે કે તે ક્યારેય તેનાથી દૂર નહીં રહી શકે. મારી મમ્મી એક ઉદાર મહિલા છે.
(Image: Instagram/ @saraalikhan95)
શ્વેતા તિવારી
ટેલિવિઝન સ્ટાર શ્વેતા તિવારીએ પણ સિંગલ મધરહૂડની રાહ પસંદ કરી હતી. નાની ઉંમરે જ રાજા ચૌધરી સાથે લગ્ન અને બાદમાં ઘરેલૂ હિંસાના કારણે તેણે ડિવોર્સ લઇ લીધા. વર્ષ 2013માં તેણે અભિનેતા અભિનવ કોહલી સાથે લગ્ન કર્યા, જો કે ઘરેલૂ શોષણના દાવાની વચ્ચે તેના બીજા લગ્ન પણ ખતમ થઇ ગયા. શ્વેતાની પ્રથમ દીકરી પલક તિવારી છે અને 6 વર્ષના રેયાંશ કોહલીની માતા છે. પોતાના બાળકો વિશે શ્વેતા કહે છે કે, મને ખબર છે કે, મારી ખોટી પસંદગીના કારણે મારાં બાળકોને ઘણું સહન કરવું પડ્યું છે. તે ભૂલ મારી હતી, તેઓની નહીં. અમે હવે એક મજબૂત સ્થિતિમાંથી પસાર થઇ રહ્યા છીએ અને હસતા-રમતા જીવન વિતાવી રહ્યા છીએ.
(Image: Instagram/ @shweta.tiwari)