શું તમે તમારા બાળકને સ્માર્ટ બનાવા ઇચ્છો છો? તો એક વર્ષની ઉંમરથી જ શીખવાડો શિસ્ત

મોટાભાગના 6થી 11 મહિનાના બાળકને "ના" શબ્દનો અર્થ સમજાવા લાગે છે. આ ઉંમરે તેમની બુદ્ધિનો યોગ્ય વિકાસ થયો હતો નથી આથી તેઓ સાચા ખરાબ વિશે જાણતા નથી. આ માટે બાળકનો યોગ્ય બિહેવિયર તેના માતા પિતા પર આધાર રાખે છે.

બેબી જ્યારે રોલ કરવા લાગે છે કે ભાખોડિયા ભરવા લાગે છે ત્યારે તેઓ નવી વસ્તુને જાણવા અને જોવાની ઉત્સુકતામાં કંઇ એવું કરી દે છે જેના કારણે તેમને નુકસાન થઇ શકે છે. આ ઉંમરે બાળકો વસ્તુઓને અડતા, સુંધતા અને ટેસ્ટ કરતા શીખી ગયા હોય છે. આ માટે તમારે તમારું ઘર ચાઇલ્ડપ્રૂફ કરવું જોઇએ અને દરેક હાનિકારક વસ્તુઓથી દૂર કરી દેવી જોઇએ અથવા તો બાળક પહોંચી ન શકે તેવી જગ્યાએ રાખવી જોઇએ.

પેરેન્ટ્સે તેમના બાળકોની ઉંમરને ધ્યાનમાં રાખીને કેટલીક બાઉન્ડ્રીઝ બનાવવી જોઇએ. બાળકને પોતાને કંટ્રોલ કરી શકે અને યોગ્ય વ્યવહાર કરી શકે તેના માટે માર્ગદર્શન આપવું જોઇએ. તમે 6 મહિનાની ઉંમરથી બાળકને ડિસિપ્લિન શીખવાડવાનું સ્ટાર્ટ કરી શકો છો. અહીં ડિસિપ્લિનનો અર્થ બાળકને સેફ રહેતા શીખવાડવાનું છે, તેનો વ્યવહાર સુધારવાનું નહીં.

યાદ રાખો કે એક વર્ષનું બાળક જાણી જોઇને ગેરવર્તન કરે નહીં. તેઓ દુનિયાને જાણવા અને જોવા માટે પોતાની બાઉન્ડ્રીની બહાર જવા ઇચ્છતા હોય છે. આથી કંઇ ખોટું થાય તો બાળકને સજા આપવાની જરૂર નથી. પરંતુ એક ચોક્કસ લિમિટ બનાવો અને બાળકોને યાદ કરાવતા રહો કે તેમને આમ કરવાનું નથી.

એક સેટ રૂટીનમાં બાળકને સેફ ફીલ થાય છે. તેને સમજાય છે કે તેણે શું કરવાનું છે. બાળકના જમવાથી લઇને સુવા સુધીના ટાઇમનો એક રૂટીન બનાવો. આ કરવાથી બાળકોના ટ્રેન્ટ્રમ્સ પણ ઓછા થશે.

બાળકો તેની આસપાસના લોકોને કોપી કરે છે. તમે તમારા બાળકને જે પણ બનવા માંગો છો, તે જાતે કરવાનો પ્રયાસ કરો. જો તમે ઇચ્છતા નથી કે તમારું બાળક ગુસ્સો કરે, તો તમે પણ ગુસ્સો કરવાનું ટાળો. બાળકો ના શબ્દ સમજવા લાગે છે પરંતુ તે શબ્દનો ઉપયોગ વારંવાર ન કરો. જ્યારે બાળક ગરમ વાસણ કે ઓવનના ડોરને અડે તો તેને ના કહો. પરંતુ જો તમે બધી જ વાતમાં તેને ના કહેશો તો બાળક તમને સીરિયલી લેશે નહીં. ના શબ્દને ખાસ અને ગંભીર પ્રસંગે બોલવાનું રાખો.