આ સમય દરમિયાન જરાક અમથી લાપરવાહી પણ ભારે પડી શકે છે. પ્રેગ્નન્સીમાં કેટલીક મહિલાઓને બ્લીડિંગ (Bleeding During Pregnancy) થવાની ફરિયાદ રહે છે. અહીં બનેરઘટ્ટા રોડ પર સ્થિત ફોર્ટિસ હોસ્પિટલના ગાયનેકોલોજી વિભાગના સીનિયર કન્સલ્ટન્ટ ડોક્ટર ગાયત્રી ડી કામથ (Dr. Gayathri Kamath, Senior Consultant - Obstetrics & Gynecology) પાસેથી જાણો, આ બાબત કેટલીક નોર્મલ અને કોમન હોય છે અને તેના કારણો શું હોય છે.
(તસવીરોઃ પિક્સાબે.કોમ, ફ્રિપિક.કોમ)
પ્રેગ્નન્સીમાં બ્લીડિંગ કેમ થાય છે?
ડોક્ટરે જણાવ્યું કે, પ્રેગ્નન્સીમાં બ્લીડિંગ થવાના લક્ષણોને ક્યારેય નજરઅંદાજ ના કરવા જોઇએ. જો ગર્ભવતી મહિલાને બ્લીડિંગ થઇ રહ્યું હોય તો તેણે તત્કાળ તેના ડોક્ટરની સલાહ લેવી જોઇએ. પ્રેગ્નન્સીનો કોઇ પણ મહિનો હોય અથવા ત્રિમાસિક હોય પ્રેગ્નન્સીમાં બ્લીડિંગને ઇગ્નોર ના કરવું જોઇએ.
આ છે કારણો
પ્રથમ ત્રણ મહિનામાં ઇમ્પ્લાન્ટેશન અથવા મિસકેરેજના જોખમના કારણે બ્લીડિંગ થઇ શકે છે. મિસકેરેજનું જોખમ થવા પર આરામ કરીને તેના જોખમને ટાળી શકાય છે. ગર્ભાવસ્થામાં શિશુને જોવા માટે ડોક્ટર અલ્ટ્રાસાઉન્ડ કરી શકે છે અને જોઇ શકે છે કે, બાળકના હૃદયના ધબકારા ચાલી રહ્યા છે કે નહીં. પ્રેગ્નન્સીની બીજી અને ત્રીજી ત્રિમાહીમાં બ્લીડિંગ થવું સામાન્ય નથી. ડિલિવરી તારીખની નજીક માસિક ધર્મના પહેલાં દિવસે બ્લીડિંગ થવું પ્રસવ પીડાના સંકેત પણ હોઇ શકે છે.
પ્રથમ ત્રણ મહિનામાં બ્લીડિંગ
માયોક્લિનિક (Mayoclinic) અનુસાર, એક્ટોપિક પ્રેગ્નન્સી, ઇમ્પ્લાન્ટેશન બ્લીડિંગ, ગર્ભપાત, મોલર પ્રેગ્નન્સી - એક દુર્લભ ઘટના જેમાં અસામાન્ય નિષેચિત ઇંડા બાળકના બદલે અસામાન્ય ટિશ્યુમાં વિકસિત થાય છે અને ગર્ભાશય ગ્રીવાની સાથે સમસ્યાઓ જેમ કે, સર્વિક્સનું ઇન્ફેક્શન, સર્વિક્સમાં સોજા અથવા ગ્રીવા પર વૃદ્ધિ થવાના કારણે પ્રથમ ત્રણ મહિનામાં બ્લીડિંગ થઇ શકે છે.
બીજા અને ત્રીજા ટ્રાઇમેસ્ટરમાં
બીજા અથવા ત્રીજા ટ્રાઇમેસ્ટમાં રક્તસ્ત્રાવના સંભવિત કારણોમાંથી એક છે ઇમ્પિટેન્ટ ગર્ભાશય ગ્રીવા, ગર્ભપાત (20માં સપ્તાહ પહેલા) અથવા અંતગર્ભાશયી ભૃણનું મૃત્યુ, પ્લેસેન્ટલ એબોર્શન, પ્લેન્સેન્ટા પ્રીવિયા, સમય પહેલાં પ્રસવ વગેરે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.