પિઝ્ઝા દુનિયાભરમાં કદાચ સૌથી વધુ પોપ્યુલર આઇમટ હશે અને લગભગ તમામ ફૂડી લોકોને તેટલા જ ભાવતા હશે. તેના સ્વાદ ઉપરાંત અન્ય ફૂડ આઈટમની જગ્યાએ પિઝ્ઝા પોકેટ ફ્રેન્ડલી અને પેટ ભરાઈ જાય તેવો હોવાના કારણે યંગ જનરેશનમાં તે વધુ પ્રિય ફુડ આઈટમ છે. ઇતિહાસમાં જઈએ તો એવું માનવામાં આવી રહ્યું છે કે આ ફૂડ આઇટમ ઇટાલીમાં શોધાઈ હતી. જોકે આજે વિશ્વના દરેક દેશના નાના-મોટા શહેરોમાં પિઝ્ઝા રેસ્ટોરન્ટ છે અને તેઓ અલગ અળગ પ્રકારના પિઝ્ઝા વેચે છે. જેમાં લોકલ ફ્લેવર અને ટોપિંગ્સથી લઈને અનેક જુદા જુદા વેરિએશન હોય છે. આવા 10 અલગ અલગ પિઝ્ઝા વિશે આજે જાણો…
નેપલ્સના નેપોલિયન પિઝ્ઝા
નેપોલિયન પિઝ્ઝાને ઓરિજનલ પિઝ્ઝામાંથી એક ગણવામાં આવે છે. તેની શરુઆત ઇટાલીના નેપલ્સમાં થઈ હતી. આ પિઝ્ઝા સાદા લોટમાંથી બનાવવામાં આવે છે. તેના ઉપર મોઝેરેલા ચીઝ, ટમેટા અને બાસિલ(તુલસીનો એક પ્રકાર)ના પાન ટોપિંગ તરીકે ઉપયોગ કરવામાં આવે છે. આ પિઝ્ઝા ઇટાલિયન ફ્લેગના દરેક કલરને દર્શાવે છે.
શિકાગોના ડીપ ડિશ પિઝ્ઝા
ડિપ ડિશ પિઝ્ઝા તેના ગોળ ખુણાના ભાગથી 3 ઇંચ જેટલા ઉંચા હોય છે. તેને મોટા ગોળ પેનમાં બનાવવામાં આવે છે. આ પિઝ્ઝામાં મોઝરેલા ચીઝ અને ટોમેટો સોસની સાથે જુદા જુદા ટોપિંગ્સ જેમ કે પેપરોની સોસેજ, ઓનિયન, બેલ પેપર અને મશરુમનો ઉપયોગ થાય છે. આ પિઝ્ઝામાં એકથી વધુ લેયર અને ટોપિંગ્સનો ઉપયોગ થાય છે.
જાપાનના ઓકોનોમિયાકી પિઝ્ઝા
જાપાનિઝ સ્ટાઇલના ઓકોનોમિયાકી પિઝ્ઝાને ‘ઓસાકા સૌલ ફૂડ’ તરીકે પણ ઓળખવામાં આવે છે. આ પિઝ્ઝા કોબી, પોર્ક, નુડલ્સ અને ઇંડાના ઉપયોગ સાથે જુદા જુદા પ્રકારના સીફૂડનો ટોપિંગ્સ તરીકે ઉપયોગ કરવામાં આવે છે. પિઝ્ઝા ઓકોનોમિયાકી સોસથી ભરપૂર હોય છે. તેમજ તેને ઝીંગા, ઓક્ટોપસ, કિમ્ચી, અને યામ જેવી સ્વાદિષ્ટ સૉસ સાથે પિરસરવામાં આવે છે.
તુર્કીના લાહ્માજુન પિઝ્ઝા
લાહ્માજુન એટલે કે એવી ડિશ જેમાં ટોપિંગમાં લોટના પાતળા પડ સાથે લામ્બ અથવા બિફનો ઉપયોગ કરવામાં આવે છે. તુર્કીના આ પિઝ્ઝા2-4 મિલિમીરટર જેટલા જ જાડા હોય છે. તેમજ તેમાં કોઈ સોસનો ઉપયોગ કરવામા આવતો નથી.
જોર્જિયાના ખાચાપૂરી પિઝ્ઝા
ખાચાપૂરી પિઝ્ઝા બ્રેકફાસ્ટ મેનુ માટે બેસ્ટ ઓપ્શન છે. આ પિઝ્ઝાનો ખૂબ જ યુનિક શેપ હોય છે. તેને પકાવેલા ઇંડા સાથે બેક કરવામાં આવે છે. આ પિઝ્ઝાનો ક્રસ્ટ ખૂબ જ સોફ્ટ હોય છે. અને તે એક એવી બોટ જેવા લાગે છે જે ચીઝ અને ઇંડાથી ભરેલી હોય. આ પિઝ્ઝામાં કોઈ પ્રકારના બીજા સોસનો ઉપયોગ કરવામાં આવતો નથી. જોકે સ્થાનિક રેસ્ટોરન્ટ્સ આ પિઝ્ઝાના ઉપર ટેસ્ટ વધુ મજેદાર બને તે માટે બટર સ્ટિક મુકીને આપે છે.
હંગેરીના લાંગોઝ પિઝ્ઝા
જો તમે હંગેરીમાં ફરતા હોવ અને અચાનક ભૂખ લાગે તો લાંગોઝ તમારા માટે બેસ્ટ ઓપ્શન છે. આ હંગેરિયન પિઝ્ઝા ફ્લેટબ્રેડ્સને ડીપ ફ્રાય કર્યા બાદ બનાવવામાં આવે છે. તેમાં અન્ય પિઝ્ઝાની જેમ ક્રસ્ટનો ઉપયોગ થતો નથી. આ ફ્લેટબ્રેડ્સ ઉપર ટોપિંગ માટે ખાટા ક્રિમ, ગાર્લિક બટર અને મીટનો ઉપયોગ થાય છે. જોકે ડીપ ફ્રાય કરવાથી અનેક હેલ્થ કોન્સિયસ લોકોની નજરમાં આ પિઝ્ઝા સૌથી વધુ અનહેલ્ધી પિઝ્ઝા બની જાય છે.
ફ્રાંસના ટાર્ટી ફ્લેમબી પિઝ્ઝા
ફ્રાંસના ટાર્ટી ફ્લેમબી પિઝ્ઝા માટે પાતળા ક્રસ્ટ ઉપર એક પ્રકારના ખાસ ફ્રાંસિસ ચીઝ ફ્રોમેજ બ્લેન્ક, લાર્ડન અને કાપેલી ડુંગળીનો ઉપયોગ થાય છે. આ પિઝ્ઝા લાકડાની ભઠ્ઠી ધરવાતા પિઝ્ઝા ઓવનમાં બને છે. અને તેના બંને મેઇન ઇન્ગ્રિડિએન્ટ બેકોન અને ચીઝ બંને સૌથી છેલ્લે ટોપિંગ તરીકે એડ કરવામાં આવે છે.
રોમના પિઝ્ઝા બિઆન્કા
પિઝ્ઝા બિઆન્કા દુનિયાના કદાચ સૌથી સિમ્પલ અને સાદા પિઝ્ઝા હશે. જો તમને પણ ટોપિંગ્સનો બહુ શોખ ન હોય તો તમારા માટે સૌથી બેસ્ટ ઓપ્શન રહેશે. આ પિઝ્ઝામાં મીડિયમ સાઇઝના ક્રસ્ટ પર ટોપિંગ્સ તરીકે ચીઝ, સોસ અને કેટલાક હર્બ્સનો ઉપયોગ થાય છે. આ ડિશ ઓલિવ ઓઇલમાં પકાવવામાં આવે છે અને પકાવતી સમયે તેના પર મીઠું છાંટવામાં આવે છે.
આઇલેન્ડના બનાના પિઝ્ઝા
તમે માનો કે ન માનો આઈલેન્ડમાં કેળા પિઝ્ઝાના ટોપિંગ્સ માટે સૌથી વધુ ફેમસ આઇટમ છે. આ પિઝ્ઝામાં ક્રશ્ટ પાથલો હોય છે. અને બ્લ્યુ ચીઝ તેના ટોપિંગ્સમાં વાપરવામાં આવે છે. તેમજ ઘણા લોકો તેમાં એડ ઓન તરીકે પાઇનેપલ અને હેમ પણ એડ કરાવે છે.
ભારતમાં પિઝ્ઝા પરોઠા
પરોઠા ભારતીય પિઝ્ઝાના ક્રસ્ટ જેને ઇન્ડિયન ફ્લેટબ્રેડ પણ કહેવામાં આવે છે. આ ક્રસ્ટ તૈયાર કરવા કણક ઘઉંનો લોટ, ઘી કે તેલ, મીઠું અને પાણી વડે તૈયાર કરવામાં આવે છે. આ ફ્લેટબ્રેડને પેન ઉપર ઘી, તેલ કે બટના સહારે બંને તરફથી શેકવામાં આવે છે. તેમાં ટોપિંગ્સ તરીકે મોઝરેલા ચીઝ, પનીર, લીલા શાકભાજી, જુદા જુદા સોસનો ઉપયોગ કરવામાં આવે છે. તેમજ જુદા જુદા મસાલા સાથે આ પિઝ્ઝા પરાઠાની પણ અનેક જુદી જુદી વેરાયટીઝ હોય છે. ભારતીય ફૂડ આમ પણ તેના મસાલા અને ફ્લેવર માટે જાણીતું છે ત્યારે પિઝ્ઝામા પણ શા માટે તેનો ઉપયોગ ન કરવો જોઈએ….
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.