ફરસાણની દુકાનમાં મળે તેવી મઠરી આ ટ્વિસ્ટ સાથે બનાવો, ચા સાથે ખાવાની મજા આવશે

હવે તો દુકાનમાં અલગ-અલગ પ્રકારના નાસ્તા મળવા લાગ્યા છે. પરંતુ પહેલા જે પરંપરાગત નાસ્તા બનતા હતા, તેની કંઈક વાત જ અલગ છે. જેમ કે, પુરી, સેવ, મઠરી. મઠરીની વાત કરીએ તો આમ તે રાજસ્થાનમાં તે વધારે પ્રમાણમાં ખવાય છે. જેનો બિસ્કિટ જેવી ક્રિસ્પી હોય છે. આજે અમને તેમનામાં તેમા થોડો ટ્વિસ્ટ આપીને આલુ મઠરી બનાવતા શીખવાડીશું.

સામગ્રી
1 કપ મેંદો
1/2 કપ સોજી
1 નંગ બાફેલા બટાકા
1 ટી સ્પૂન અજમો
1 ટી સ્પૂન ધાણાજીરું પાઉડર
1 ટી સ્પૂન લાલ મરચું પાઉડર
સ્વાદાનુંસાર મીઠું
તળવા માટે તેલ
જરૂર મુજબ પાણી

બનાવવાની રીત
સૌથી પહેલા બાફેલા બટાકાને છીણી લો. જેથી કણક સોફ્ટ બંધાય અને પુરી વણતી વખતે તેની ગાંઠ વચ્ચે ન આવે.

બનાવવાની રીત
એક બાઉલ લો. તેમાં મેંદો, સોજી, બાફેલા બટાકાનું છીણ, અજમો, ધાણાજીરું પાઉડર, લાલ મરચું પાઉડર, મીઠું અને એક ચમચી તેલ ઉમેરીને બધુ મિક્સ કરી લો. બાદમાં થોડું-થોડું પાણી ઉમેરીને કણક બાંધી લો. કણકને 5-10 મિનિટનો રેસ્ટ આપો.

બનાવવાની રીત
કણકમાંથી મીડિયમ સાઈઝના લૂવા બનાવી લો. તેમાંથી મઠરી વણી લો.

બનાવવાની રીત
પેનમાં તેલ ગરમ કરવા મૂકો. તેલ ગરમ થાય એટલે મઠરી તેમાં તળી લો. તો તૈયાર છે આલુ મઠરી. મઠરી ઠંડી થાય એટલે એરટાઈટ ડબ્બામાં તેને ભરી લો.