દાળ પલાળવાની કે ક્રશ કરવાની ઝંઝટમાં પડ્યા વગર આ રીતે બનાવો ઈન્સ્ટન્ટ દહીંવડા

દરેક ગૃહિણીની એક કોમન સમસ્યા છે, અને તે છે રોજ-રોજ સાંજે જમવામાં શું બનાવવું. જો તમને પણ આવી સમસ્યા હોય તો ચિંતા બાજુએ મૂકી દો. આજે અમે તમને શીખવી રહ્યા છીએ ઈન્સ્ટન્ટ દહીંવડા બનાવવાની રીત.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સામગ્રી
2 કપ સોજી
1 કપ દહીં
2 કપ પાણી
સ્વાદાનુંસાર મીઠું
2 નાની ચમચી આદુની પેસ્ટ
2 નંગ સમારેલા લીલા મરચાં
6-7 નંગ કાજુના ટુકડાં
6-7 નંગ સૂકી દ્રાક્ષ
ચપટી ખાવાનો સોડા
તળવા માટે તેલ

દહીં બનાવવા માટે
2 કપ દહીં
6 ચમચી દળેલી ખાંડ

સર્વ કરવા માટે
કોથમીર-ફુદીના ચટણી
ખજૂર-આંબલીની ગળી ચટણી
ચપટી ચાટ મસાલો
ચપટી શેકેલા જીરાનો પાઉડર
ચપટી લાલ મરચું પાઉડર
1/2 કપ દાડમના દાણા
1 ચમચી સમારેલી કોથમીર

બનાવવાની રીતઃસૌ પ્રથમ એક બાઉલમાં સોજી લો, તેમાં દહીં તેમજ પાણી ઉમેરીને મિક્સ કરી લો. આ મિશ્રણને 10 મિનિટનો રેસ્ટ આપો. બાદમાં તેમાં આદુની પેસ્ટ, સમારેલા લીલા મરચા, કાજુના ટુકડા, દ્રાક્ષ તેમજ ખાવાનો સોડા એડ કરીને મિક્સ કર્યા બાદ ફરીથી 5 મિનિટનો રેસ્ટ આપો.

બનાવવાની રીતઃ એક પેનમાં તેલ મૂકો. તેલ ગરમ થઈ જાય એટલે મિશ્રણમાંથી નાના-નાના વડા પાડીને તળી લો. વડા બ્રાઉન કલરના થાય ત્યાં સુધી તળવા. વડા તળાય જાય એટલે તરત જ તેને એક બાઉલમાં પાણી અથવા છાશ લઈને તેમાં નાંખી દો. વડાને હાથથી દબાવીને બધું પાણી કાઢી લો.

બનાવવાની રીતઃ એક બાઉલમાં દહીં લો અને તેમાં ક્રશ કરેલી ખાંડ ઉમેરીને ગળ્યું દહીં તૈયાર કરી લો

બનાવવાની રીતઃ એક બાઉલ લો. તેમાં વડા મૂકો. તેની ઉપર ગળ્યું દહીં પાથરો. હવે તેમાં ગ્રીન ચટણી, ખજૂર આંબલીની ચટણી, ચાટ મસાલો, શેકેલા જીરાનો પાઉડર, લાલ મરચું પાઉડર, દાડમના દાણા ઉમેરો, ત્યારબાદ તેને કોથમીરથી ગાર્નિશ કરી સર્વ કરો. તો તૈયાર છે ઈન્સ્ટન્ટ દહીંવડા. કોથમીર-ફુદીનાની ચટણી બનાવવાની રીત