કેળાની વેફર તો બહુ ખાધી હવે બનાવો કાચા કેળાનો ચેવડો

I am Gujarat

કાચા કેળાનો ચેવડો

સાંજની ચા સાથે નાસ્તામાં કંઈક હળવું ખાવા માગો છો તો કાચા કેળાનો ચેવડો સારો ઓપ્શન છે. આ ચેવડો બનાવીને એક અઠવાડિયા સુધી રાખી શકાય છે. આ ચેવડો ઉપવાસમાં પણ ખાઈ શકાય છે એટલે ઉપવાસના ખાવામાં પણ વેરિએશન મળશે.

સામગ્રી

3 કાચા કેળા (છીણેલા) 1 કપ શેકેલી શિંગ 10-15 લીમડાના પાન 2 લીલા મરચાં (ઝીણા સમારેલા) 1 ચમચી દ્રાક્ષ 1 નાની ચમચી લાલ મરચું પાઉડર 1 નાની ચમચી બુરુ ખાંડ (દળેલી ખાંડ) 1 નાની ચમચી ચાટ મસાલો સ્વાદ અનુસાર મીઠું જરૂર મુજબ તેલ

બનાવવાની રીત

કાચા કેળાનો ચેવડો બનાવવા માટે સૌપ્રથમ મીડિયમ આંચ પર એક કડાઈમાં તેલ ગરમ કરો. તેલ ગરમ થઈ જાય એટલે કેળાની છીણને તેમાં તળી લો. ગોલ્ડન રંગની થાય ત્યાં સુધી તળો. પછી પ્લેટમાં કાઢી લો. હવે આ જ કઢાઈમાં શિંગ, લીમડાના પાન, લીલા મરચાં, દ્રાક્ષને ગોલ્ડન રંગના થાય ત્યાં સુધી તળી લો.

બનાવવાની રીત

હવે એક વાસણમાં તળેલી બધી સામગ્રી અને તળેલા કાચા કેળાને બરાબર મિક્સ કરી લો. તેમાં મીઠું, લાલ મરચું પાઉડર, ચાટ મસાલો અને બુરુ ખાંડ નાખો. બસ તૈયાર છે ચેવડો. ઠંડો થાય એટલે એરટાઈટ ડબ્બામાં ભરી લો.