બેક કર્યા વિના બનાવો ચોકલેટ ચીઝ કેક, રેસિપી એટલી સરળ છે કે બાળકો પણ બનાવી શકશે

ગળ્યું ખાવાના શોખીન હો તો તમને કેક ચોક્કસથી ભાવતી જ હશે. કેક સામાન્ય રીતે આપણે બહારથી લાવીને ખાતા હોઈએ છીએ. કેકનું બેકિંગ પર્ફેક્ટ ના થાય તો ખાવાની મજા નથી આવતી. અહીં તમને એવી રેસિપી જણાવીશું જે તમે ખૂબ જ ઓછા સમયમાં બનાવી શકો છો. સૌથી અગત્યની વાત કે આ કેક બનાવા માટે તમારે બેકિંગ નહીં કરવું પડે. આ રેસિપી બાળકો પણ સરળતાથી બનાવી શકે છે. એટલે તમારા બાળકને ઘરે કંઈક નવી એક્ટિવિટી કરાવા માગતા હો કે નવી વાનગી શીખવવા માગતા હો તો આ રેસિપી તમારી મદદ કરી શકે છે. ચોકલેટ ચીઝ કેક બનાવા માટે તમારે વધુ સામગ્રીની પણ જરૂર નહીં પડે. જોઈ લો કેવી રીતે બને છે આ રેસિપી.

સામગ્રી (ચાર વ્યક્તિ માટે)

100 ગ્રામ ચોકલેટ ક્રીમ બિસ્કિટ
150 ગ્રામ મિલ્ક ચોકલેટ
1 કપ ક્રીમ ચીઝ
1/4 કપ બટર
1/2 કપ હેવી ક્રીમ
1/4 દળેલી ખાંડ
1 ટીસ્પૂન વેનિલા એસેન્સ

બનાવાની રીત

સૌથી પહેલા તો બિસ્કિટને એક ઝીપલોક બેગમાં બંધ કરો અને વેલણથી ભાંગી નાખો. બિસ્કિટનો બારીક ભૂકો થઈ જાય ત્યાં સુધી વેલણ ફેરવ્યા કરો. બાદમાં એક બાઉલમાં બિસ્કિટનો ભૂકો કાઢી લો અને તેમાં બટર ઓગાળીને નાખી દો. આ મિશ્રણને બરાબર મિક્સ કરો અને ઘટ્ટ બેટર તૈયાર કરો. હવે એક ચોરસ ડબ્બામાં આ મિશ્રણ સરસ રીતે પાથરી લો અને તેને ફ્રીઝરમાં ફ્રીઝ કરવા મૂકી દો.

તેલનો ઉપયોગ કર્યા વગર બનાવો રાજમા, ફિટનેસ ફ્રિક લોકો માટે રહેશે બેસ્ટ

બનાવાની રીત

હવે ચોકલેટના ટુકડા કરી લો અને બાઉલમાં મૂકીને થોડીવાર માઈક્રોવેવમાં મેલ્ટ થવા મૂકી દો. આ જ બાઉલમાં હવે ક્રીમ ચીઝ, ખાંડ, વેનિલા એસેન્સ ઉમેરીને અને બધું જ બરાબર મિક્સ કરી લો.

બેસનમાંથી બનાવો મસાલા સેવ, બાળકોને નાસ્તામાં આપવા માટે સારી રહેશે

બનાવાની રીત

હવે બીજા એક બાઉલમાં હેવી ક્રીમ લો અને જાડું થાય ત્યાં સુધી વ્હીપ કરતા રહો. બાદમાં તેમાં ચોકલેટનું મિશ્રણ ઉમેરો અને ધ્યાનથી હલાવીને બધી જ સામગ્રી એકરસ થાય તેવી રીતે હલાવી લો. હવે આ મિશ્રણને અગાઉ તૈયાર કરેલા બિસ્કિટના લેયર પર પાથરી દો. ફરીથી તેને ફ્રિઝરમાં મૂકી દો. આ મિશ્રણને એક કલાક અથવા તો ચીઝ કેક સેટ થાય ત્યાં સુધી ફ્રિઝરમાં રાખો. કેક સેટ થઈ જાય એટલે ચોકો ટિપ્સ અથવા બિસ્કિટના ભૂકાથી ગાર્નિશ કરી શકો છો.