આઈસક્રીમની દુકાનમાં મળે તેવી પિસ્તા કુલ્ફી ઘરે બનાવો, એકદમ સરળ છે રેસિપી

ઉનાળામાં ખાસ કરીને સાંજે જમવાની ઈચ્છા ઓછી થાય છે અને કુલ્ફી તેમજ આઈસક્રીમ ખાવાનું વધારે મન થાય છે. પરંતુ હાલની જે સ્થિતિ છે તેને જોતાં બહારથી કુલ્ફી કે આઈસક્રીમ લાવવા કરતાં ઘરે જ બનાવી લો. આજે અહીંયા અમે તમને પિસ્તા કુલ્ફી બનાવતા શીખવી રહ્યા છીએ. જેના માટે સરળતાથી મળી જાય તેવી સામગ્રીની જરૂર પડે છે.

સામગ્રી
5 કપ દૂધ
1 ટે. સ્પૂન પિસ્તાની કતરણ
2 ટે. સ્પૂન ઈલાયચી પાઉડર
1/2 કપ ખાંડ
1 ટે. સ્પૂન બદામની કતરણ

સ્ટેપ 1
પિસ્તા કુલ્ફી બનાવવા માટે સૌથી પહેલા, એક પેનમાં દૂધ ગરમ કરવા મૂકો. ગેસની ફ્લેમ મીડિયમ રાખવી. દૂધને ત્યાં સુધી ગરમ થવા દેવું, જ્યાં સુધી તેનું પ્રમાણ અડધું ન થઈ જાય. વચ્ચે-વચ્ચે દૂધ ચમચાથી હલાવતા રહેવું

સ્ટેપ 2
દૂધ ઘટ્ટ થઈ જાય એટસે તેમાં ખાંડ અને ઈલાયચી પાઉડર ઉમેરો. બાદમાં ગેસ બંધ કરીને તેને ઠંડુ થવા દો.

સ્ટેપ 3
દૂધ ઠંડુ થઈ જાય એટલે તેમાં પિસ્તા અને બદામની કતરણ ઉમેરો

સ્ટેપ 4
આ મિશ્રણને કુલ્ફી બનાવવા માટેના મોલ્ડમાં લઈ લો. તેને ફ્રિઝરમાં 6 કલાક માટે સેટ થવા મૂકી દો.

સ્ટેપ 5
કુલ્ફી સેટ થઈ જાય એટલે મોલ્ડમાંથી તેને બહાર કાઢીને પ્લેટમાં લઈ લો. બાદમાં તરત તેને સર્વ કરો.