એકનો એક પ્રકારનો નાસ્તો ખાઈને કંટાળી ગયા છો? તો બનાવો 'પોટેટો રિંગ્સ'

એકનો એક પ્રકારનો નાસ્તો ખાઈને કંટાળી ગયા છો? તો આજે અમે તમને બટાકામાંથી આજે એક એવી રેસિપી શીખવી રહ્યા છીએ, જે તમારા મેન્યૂમાં બદલાવ લાવશે. બટાકા અને સોજીમાંથી બનતો આ નાસ્તો એકદમ સરળ છે. જેને તમે ઘરે બાળકો માટે બનાવી શકો છો, આ સિવાય કિટ્ટી પાર્ટીમાં પણ તમે બનાવી શકો છો. જેને તમે શેલ્લો ફ્રાય કે ડીપ ફ્રાય પણ કરી શકો છો. આ રેસિપીનું નામ છે પોટેટો રિંગ્સ.

સામગ્રી
1 કપ શેકેલી સોજી
2 મીડિયમ બાફેલા અને મેશ કરેલા બટાકા
1 ટી સ્પૂન આદુની પેસ્ટ
2 ટી સ્પૂન કોર્ન ફ્લોર
સ્વાદાનુંસાર મીઠું
1/4 કપ તેલ
1/2 કપ દહીં
1 ટી સ્પૂન લસણની પેસ્ટ
1 ટી સ્પૂન ચિલી ફ્લેક્સ
1/2 ટી સ્પૂન ચાટ મસાલો
2 ટે. સ્પૂન સમારેલી કોથમીર

સ્ટેપ 1
એક બાઉલમાં સોજી અને દહીં લો અને સરખી રીતે મિક્સ કરી લો

સ્ટેપ 2
આ મિશ્રણમાં ચાટ મસાલો, ચિલી ફ્લેક્સ, મીઠુ, લસણની પેસ્ટ અને આદુની પેસ્ટ ઉમેરી મિક્સ કરી લો

સ્ટેપ 3
બાદમાં તેમાં બાફેલા અને મેશ કરેલા બટાકા, કોર્ન ફ્લોર અને સમારેલી કોથમીર ઉમેરો અને કણક તૈયાર કરી લો

સ્ટેપ 4
કણકમાંથી મીડિયમ સાઈઝના લૂવા બનાવીને વેલણથી વણી લો. તેને રાઉન્ડ શેપમાં મોલ્ડથી કટ કરી લો. આ રીતે બધી રિંગ તૈયાર કરી લો.

સ્ટેપ 5
પેનમાં તેલ ગરમ કરવા મૂકો. તેને શેલ્લો ફ્રાય અથવા ડીપ ફ્રાયકરી લો. કલર ગોલ્ડન બ્રાઉન થવા દેવો.

સ્ટેપ 6
તો તૈયાર છે પોટેટો રિંગ. આ ડિશને ગ્રીન ચટણી અથવા સોસ સાથે ગરમાગરમ સર્વ કરો.