બિસ્કિટનો ઉપયોગ કરીને આ રીતે બનાવો બાળકોના મનપસંદ ચોકલેટ બોલ્સ

ચોકલેટ એવી વસ્તુ છે જે દરેકને ભાવે. ચોકલેટનો ઉપયોગ કરીને તમે અલગ-અલગ વસ્તુ બનાવી શકો છો. જેમ કે, કેક અને ચોકલેટ બોલ્સ. આજે અમે તમને ચોકલેટ બોલ્સ બનાવવાની રેસિપી શીખવીશું. જેને તમે મહેમાન આવે ત્યારે આપી શકો છો આ સિવાય જમ્યા બાદ સ્વીટમાં ખાઈ શકો છો. બાળકોને પણ તે ખૂબ ભાવશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સામગ્રી: 16 નંગ મોળા બિસ્કિટ, 8 ચમચી કોકો પાઉડર, 6 ચમચી ખાંડ પાઉડર, 2 ચમચી બદામની કતરણ, 2 ચમચી કાજુની કતરણ, 2 ચમચી દ્રાક્ષ, 50 એમએલ હુંફાળું દૂધ, 1/2 કપ ચોકલેટના ટુકડાં, 2 ચમચી વર્મીસીલી

બનાવવાની રીત: બિસ્કિટના ટુકડા કરી લો. તેને મિક્સર જારમાં લઈને બારીક ક્રશ કરી લો. ક્રશ કરેલા બિસ્કિટને એક બાઉલમાં કાઢી લો.

બનાવવાની રીત: હવે તેમાં કોકો પાઉડર, ખાંડ પાઉડર, બદામની કતરણ, કાજુની કતરણ અને દ્રાક્ષ ઉમેરીને મિક્સ કરી લો.

બનાવવાની રીત: આ મિશ્રણમાં થોડું-થોડું દૂધ ઉમેરીને ભાખરીની કણક બાંધીએ એવી કણક બાંધી લો. આ કણકમાંથી મીડિયમ સાઈઝના બોલ્સ બનાવી લો. તેને 5 મિનિટ માટે ફ્રિજમાં મૂકી દો.

બનાવવાની રીત: એક ઝાડા તળીયાવાળા પેનમાં ચોકલેટ લઈને તેને મેલ્ટ કરી લો. હવે ચોકલેટ બોલ્સને તેમાં ડીપ કરીને અને ઉપરથી થોડી વર્મીસીલી લગાવીને ફરીથી 1 કલાક માટે ફ્રિજમાં મૂકી દો. તો લો તૈયાર છે ચોકલેટ બોલ્સ