ઓવન તેમજ યીસ્ટનો ઉપયોગ કર્યા વગર ઘઉંના લોટમાંથી બનાવો પિઝાનો રોટલો

નાના બાળકોને પિઝા ખૂબ ભાવતા હોય છે. પરંતુ તેનો બેઝ એટલે કે રોટલો મેંદો તેમજ યીસ્ટનો ઉપયોગ કરીને બનાવ્યો હોવાથી મમ્મીઓ હેલ્થને લઈને થોડી ચિંતિત થઈ જાય છે. પરંતુ હવે ચિંતા કરવાની જરૂર નથી. ઘઉંના લોટમાંથી પણ પિઝાનો રોટલો બનાવી શકો છો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

સામગ્રી
1 1/2 કપ રોટલીનો લોટ
ચપટી ખાવાનો સોડા
1 નાની ચમચી બેકિંગ પાઉડર
1 ચમચી ખાંડ
સ્વાદાનુંસાર મીઠું
1 ચમચી અજમો
1 ચમચી મિક્સ હર્બ્સ
1/4 કપ મોળું દહીં
3 ચમચી તેલ
જરૂર મુજબ પાણી

બનાવવાની રીતઃએક બાઉલ લો. તેમાં બેકિંગ સોડા, બેકિંગ પાઉડર, ખાંડ, મીઠું, અજમો, મિક્સ હર્બ્સ તેમજ 3-4 ચમચી દહીં ઉમેરીને મિક્સ કરી લો, આ મિશ્રણને 5થી 10 સેકન્ડ સુધી મિક્સ કરવું. આમ કરવાથી જે બેકિંગ સોડા અને બેકિંગ પાઉડર છે તે એક્ટિવ થશે. હવે તેમાં તેલ ઉમેરીને ફરીથી 1 મિનિટ માટે મિક્સ કરી લો. સામગ્રી એકબીજા સાથે સરસ રીતે ભળી જાય તે વાતનું ખાસ ધ્યાન રાખવું. બાકી રહેલું જે દહીં છે તેને પણ ઉમેરી લો.

બનાવવાની રીતઃએક બાઉલમાં રોટલીનો લોટ લો અને તેમાં તૈયાર કરેલું મિશ્રણ એડ કરીને હાથથી મિક્સ કરી લો. ત્યારબાદ થોડું-થોડું પાણી રેડતા જઈને સોફ્ટ કણક બાંધી લો. કણક બંધાઈ જાય એટલે હાથમાં થોડું તેલ લઈને તેને 5 મિનિટ માટે કૂણવી લો. આ કણકને 20થી 25 મિનિટનો રેસ્ટ આપો.

બનાવવાની રીતઃએક કડાઈ અથવા તો સ્ટીમર લો. તેમાં મીઠું ભરીને ધીમા તાપ પર ગરમ કરવા મૂકી દો. પિઝાની જે કણક તૈયાર કરી છે તેમાંથી નાની-નાની સાઈઝના રોટલા વણી લો. રોટલા વણાઈ જાય એટલે તેમાં કાંટા ચમચીની મદદથી કાણા પાડી લો. હવે એક સ્ટીલ અથવા તો એલ્યુમિનિયમની થાળી લો અને તેને ગ્રીસ કરીને તેમાં એક રોટલો મૂકીને સ્ટીમરમાં 3-4 મિનિટ માટે બેક થવા દો. આ જ રીતે બીજી બાજુને પણ શેકી લો. આ જ રીતે પિઝાના બધા રોટલા તૈયાર કરી લો. સમોસા ટાકો ચાટ બનાવવાની રેસિપી