કાર્બોહાઈડ્રેટ્સ અને ફાઈબરથી ભરપૂર મકાઈ એક એવી સામગ્રી છે જેમાંથી તમે અલ-અલગ રેસિપી બનાવી શકો છો. જેમ કે, મકાઈનો ચેવડો, મકાઈનું શાક વગેરે…વગેરે…આજે અમે તમને કોર્નમાંથી ભેળ બનાવતા શીખવીશું. જે બનાવવામાં વધારે સમય લાગતો નથી. સાથે જ તેને તમે દિવસ દરમિયાન ગમે ત્યારે ખાઈ શકો છો. તો ચાલો શીખી લો રેસિપી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
સામગ્રી
3 કપ બાફેલી મકાઈ
2 ચમચી સમારેલી કોથમીર
1 ચમચી ચાટ મસાલો
2 ચમચી લીલી ચટણી
5 નંગ પાપડી
2 નંગ બાફેલા અને સમારેલા બટાકા
2 કપ સેવ
2 ચમચી આંબલીની ચટણી
1 નંગ સમારેલું ટામેટું
2 નંગ સમારેલી ડુંગળી
સ્વાદાનુંસાર મીઠું
બનાવવાની રીત
એક મોટો બાઉલ લો. તેમાં બાફેલી મકાઈ, બાફેલા અને સમારેલા બટાકા, સમારેલા ટામેટા તેમજ સમારેલી ડુંગળી લઈને મિક્સ કરી લો.
બનાવવાની રીત
હવે આ મિશ્રણમાં કોથમીર, ચાટ મસાલો, મીઠું તેમજ પાપડી ઉમેરીને મિક્સ કરી લો.
બનાવવાની રીત
આ મિશ્રણને સર્વિંગ પ્લેટમાં લઈ લો. અને ઉપરથી સેવ, લીલી ચટણી અને આંબલીની ચટણી ઉમેરીને સર્વ કરો. તો લો તૈયાર છે સ્વીટ કોર્ન ભેળ